Connect with us

technology

Apple, nagbigay ng napakalaking bonus sa key employees para hindi masulot ng Facebook

Published

on

Ang Apple, na isa sa pinakamalaking mga tech companies sa mundo, ay nakakaramdam ng pag-aalala.

Ang sulutan kasi sa mga magagaling na talento mula sa tech sector ay umiinit.

Apple Logo

Ang partikular na ipinag-aalala ng Apple ay ang pangangailangan ng Meta – dating Facebook – ng libo-libong bagong empleyado para maitatag ang “metaverse.”

At para mapigilan na lumipat ang kanilang mga magagaling na empleyado sa Facebook ay nagbigay ang Apple ng stock bonus sa kanila, partikular na sa mga engineers sa silicon design, hardware, at software at iba pang grupo sa kanilang operasyon.

Ang halaga ng bonus, na ikinagulat ng mga empleyadong nakatanggap niyon, ay  nasa pagitan ng $50,000 (mahigit P2,500,000) at $180,000 (mahigit P9,000,000),

Ayon sa Apple insiders na hindi nagpakilala dahil ang programa raw ay hindi para sa publiko, ang karamihan sa mga engineers ay nakatanggap ng $80,000 hanggang $120,000 na halaga ng shares of stocks ng kumpanya.

Ang bonus ay ipinamahagi ng mga managers bilang reward daw sa mga high performers.

May mga Apple employees naman ang sumama ang loob dahil hindi sila binigyan ng ganoong bonus. Bihira daw kasi ang ganitong pinili lang ang mga pinagkalooban nito. Karaniwan daw na tumatanggap ang lahat ng empleyado ng base salary, stock units at cash bonus.

May basehan naman kasi ang pag-aalala ng Apple dahil sinulot ng Meta ang nasa 100 empleyado nila nitong ilang buwang nakaraan.

Image from Meta

Pero, ganoon din naman ang ginagawa ng Apple, may mga empleyado ng Meta ang naakit nilang lumipat sa kanilang kumpanya.

Sinasabing pinaiigting pa ng Meta ang panunulot sa mga Apple employees mula sa Augmented reality, artificial intelligence, software and hardware engineering divisions sa pammagitan ng pag-aalok ng napakalaking buwanang suweldo.

Sapul din ang iba pang division ng Apple sa nangyayaring sulutan, tulad ng self-driving car team nito.

Gumagawa ang kumpanya ng paraan upang hindi masulot ang mga empleyado nito lalo na’t kailangan nitong ma-maintain ang kanilang engineering prowess dahil sa mga ginagawang next-generation devices, kabilang ang sasakyan; Virtual Reality at Augmented Reality headsets, at future versions ng iPhone.

Image from Apple

News

‘Liter of Light’, nagbigay ng ideya at liwanag sa mga Pinoy para makatipid sa kuryente

Published

on

By

Tuwing katapusan ng bawat buwan, pinoproblema ng marami si “Judith” o ang kanilang due date sa mga bayarin gaya ng kuryente, tubig at iba pa.

Kabilang sa pinoproblema ng marami ay ang gastos sa pagkonsumo ng kuryente. Mayroon din namang mga lugar na may kakulangan sa kuryente. Kung puwede lang sana ay magkaroon ng kuryente na hindi naman mabigat sa bulsa. Kaya naman may isang organisasyon na bumubuo ng solar lights na tipid sa kuryente at nagbibigay ng liwanag sa mga tahanan.

Ayon sa panayam ng “iJuander”, sinasabing base sa datos ng Department of Energy noong 2021, nasa 1.62 milyong kabahayan sa bansa ang hindi naaabot ng kuryente.

Nariyan ang Nursery Compound sa Barangay Talon Dos sa Las Piñas City na diumano ay limang taon nang wala pa ring kuryente kahit nasa siyudad lamang sila.

Nasa 100 pamilya ang naninirahan sa compound, at ang iba ay nagbabayad ng P70 kada gabi para makigamit ng generator at mailawan ang kanilang tahanan pagsapit ng dilim.

Ang ilang komunidad naman ay gumagawa ng paraan sa paglikha at paggamit ng solar lights na ibinabahagi ng Liter of Light Foundation.

Liter of Light Foundation

Ayon sa kanilang website, ang Liter of Light ay isang ” global, grassroots movement commited to providing affordable, sustainable solar light to people with limited or no access to electricity.”

Sa pamamagitan ng network of partnerships sa buong mundo, ang mga volunteers ng Liter of Light ay nagtuturo sa mga marginalized na komunidad kung paano magagamit ang mga recycled plastic bottles at locally sourced na materyales para mapaliwanag ang kanilang mga tirahan, negosyo at mga kalsada.

Ang isang solar light nila ay binubuo ng LED, switch, jack na isasaksak sa pagkukuhaan ng solar power, at recycled bottle na magsisilbing diffuser. Malaking tulong ito sa isang komunidad lalo na’t sila ay hindi naaabot ng kuryente.

Hindi na ito mangangailangan pa ng kuryente dahil ito ay ibinilad sa araw para makahigop ng energy para makapagbigay ito ng liwanag. Hindi lang sa Pilipinas nagagamit ang naturang proyekto. Mayroon na rin nito sa 32 na bansa.

“Yung importante kasi sa amin is makita ng mundo na ang mga Pilipino ay hindi lang siya nangangailangan palagi at humihingi ng tulong, pero ‘yung mga ideas niya ay nakatutulong rin sa iba,” paliwanag ni Illac Diaz, founder ng Liter of Light Organization.

Ang Liter of Light technology ay kinilala na ng UN at ginagamit na sa ilang UNHCR camps. Kabilang sa mga pagkilalang natanggap na nito ay ang 2016 St. Andrews Prize for the Environment, ang 2015 Zayed Future Energy Prize, at nagwagi na rin sa 2014-2015 World Habitat Award.

Samantala, alamin natin kung paano nga ba ginagawa ang isang solar light na kaya nang buuin ng sinumang nais gumamit nito. Panoorin ang video na ibinahagi ng iJuander.

Continue Reading

Inspiring

Driver mula Taguig nakagawa ng robot mula sa recycled materials

Published

on

By

Isang Pilipinong tsuper ang gumawa ng isang maliit na robot – na kayang maglakad, magsalita, at ‘umihi’ – at karamihan sa ginamit niya ay mga recycled na materyales.

Ayon kay Kuya Kim sa “24 Oras” noong Biyernes, matagal na umanong pangarap ni Omar Cruz, isang driver mula sa Taguig City, na magkaroon ng laruang robot.

Ngayong taong ito, natapos niyang gawin ang pinapangarap na robot na pinangalanan niyang Well-O. Ang robot ay isang simpleng box-type na may mga gulong, ngunit mukhang ito ay parang sa isang science fiction na pelikula.

“Self-studying lang ang ginawa ko. Ginawa ko siya nung 2016, nung March ko lang natapos. Halos wala akong ginastos dahil 80% made from scrap ‘to,” sabi niya tungkol sa kanyang gawa.

Hindi malayo ang Well-O sa Gundams ng Japan at iba pang mga robot. Sinabi ni Omar na gusto niyang pagbutihin pa ang kanyang robot at magdagdag ng mga function nito.

“Gusto kong ipakita ‘yung mga kaya kong gawin,” saad ni Omar. [I want to show what I can do.]

Ang Departamento ng Science at Technologu ay nag-aalok ng direktang pagpopondo sa mga Pilipinong imbentor na gustong bumuo ng kanilang sariling mga robot at iba pang mga gadget.

“Ito ay naglalayong matugunan ang pangangailangan ng mga innovative startups upang ma-translate ang kanilang early stage technologies into market-ready products,” wika ni Edward Apigo, Senior Science Research Specialist.

Grabe ang galing ni Kuya! Nakaka-proud ang husay sa paggawa ng robot!

Kaya naman marami ang napahanga na mga netizen sa gawa ni Omar at sinabing, “Wow ayus ah Philippine made robot”

“Sana suportahan ito ng gobyerno.”

“Grabe Solid.”

“Wall e galing niyo po kuya, sana marami pa kayong magawang robot. God bless po.”

Maraming netizen ang napansin na para itong si WALL-E, bilang Waste Allocation Load Lifter Earth-class, ang huling robot na natitira sa Earth, na ipinalabas noong Hunyo 21, 2008.

Ating silipin si Well-O:

Continue Reading

celebrities

Isko Moreno makikipag-negotiate sa SpaceX para sa mas mabilis na internet

Published

on

By

Ibinunyag ni Manila City Mayor Isko Moreno noong Huwebes na pinahintulutan siya ng City Council of Manila na makipag-negotiate sa kumpanya ng American billionaire na si Elon Musk para sa pagbili ng Starlink low-orbit satellites.

“I hope we can avail of Starlink low-orbit satellite soonest. The best success story is in Ukraine when Elon Musk deployed a number of satellites in that country after its internet connectivity was destroyed by Russian forces. Hopefully, we can use this in the entire country,” ani Moreno sa isang press conference sa Kabankalan City, Negros Occidental.

Ang tinutukoy ni Moreno ay ang City Council Resolution No. 46 na nagpapahintulot sa kaniya, “to negotiate and/or enter into a contract with SpaceX Enterprise for the use of Starlink, the world’s most advance broadband internet system in the City of Manila.”

Ang SpaceX ay isang space exploration company na pag-aari ng tech magnate at bilyonaryo na si Elon Musk.

Isa rin itong tagapagbigay ng mga serbisyo sa transportasyon sa kalawakan, at isang korporasyon ng komunikasyon na may headquarters sa Hawthorne, California.

Sinabi ng 47-anyos na kandidato sa pagkapangulo na ang Lungsod ng Maynila at ang buong bansa ay makikinabang nang malaki sa mga serbisyong maibibigay ng Starlink, lalo na para sa disaster preparedness dahil magkakaroon pa rin ito ng signal sa gitna ng mga sakuna.

“We are not unaware that there are many calamities in the Philippines, especially strong typhoons and earthquakes. And often the line of communication is broken like what happened in areas in Visayas and Mindanao which were devastated by Odette.”

“No phone, no internet. This is a big help from Elon Musk because it has a signal even with storms and earthquakes.”

Dagdag pa ni Moreno, makikinabang ang mga mag-aaral sa pampublikong paaralan sa Maynila sa high-speed broadband ng Starlink.

“Wala nang dead spots, wala nang mabagal na signal o no signal which affects the online learning process of students,” aniya.

Gumagana ang satellite internet company ni Elon Musk na Starlink sa pamamagitan ng pagpapadala ng impormasyon sa pamamagitan ng vacuum of space, kung saan ito ay naglalakbay nang mas mabilis kaysa sa fiber-optic cable at maaaring maabot ang mas maraming tao at lugar; sinabi ng campaign team ni Moreno sa pahayag nito na ipinadala sa media.

Panoorin:

Continue Reading

Trending