Connect with us

Inspiring

‘Kaya ko naman pala, Di ako nag iisa’: Solo parent na crochet artist nakatagpo ng oportunidad sa paggagantsilyo

Published

on

img_61a8d31cb0111

Marami ang nawalan ng pagkakakitaan at trabaho sa panahon ng pandemya. Pero dahil tuloy ang buhay sa kabila ng mga pagsubok sa gitna ng pananalasa ng covid, sige lang ang karamihan sa atin. ‘Ika nga, laban lang.
Ganyan ang kinaharap ng isang solo parent na si Mia. Determinasyon at pananampalataya ang pinanghawakan ng nanay na may dalawang anak.

Kamakailan lang ay nagpaskil siya ng isang ‘grateful post’ na naghahatid ng inspirasyon, sa atin.

Aniya, “Ang lakas ko po sa Inyo (emojis) Di man ako pala simba at araw araw na nagpi-pray. Pero kapag lumapit ako sa inyo. Hindi Mo kami pinawawalang mag-iina.”

Dagdag pa niya, unang araw pa lang ng Disyembre ay bumuhos na ang blessings. Kaya naman labis ang pasasalamat niya sa Diyos. “Lord salamat po talaga. Wala man tulog at pahinga okay lang basta mga needs ng mga anak ko kumpleto. Kaya ko naman pala, Di ako nag iisa kasama Kita.”

Sa kanyang FB friends ay mayroon din siyang mensahe na magpapalakas sa mga pinanghihinaan ng loob.

“Ps. Kung unemployed ka man, tingin ka sa paligid mo mamaya nasa malapit lang pala yung sagot sa Financial problem mo, di mo lang napapansin kasi nakatuon ka sa mga bagay na hindi naman laan para sa ‘yo.”

Paglalahad niya, dati raw ay awang-awa siya sa kanyang sarili dahil sa kawalan ng trabaho tapos isa pa siyang single mom at walang suporta mula sa ama ng kanyang mga anak. Ngunit noong nagpandemic, bigla na lang niya umanong naisipang mag-crochet, at sinimulan niya ito sa paggawa ng earsavers na naging in-demand.

Sinubukan niya ang iba pang magagawa sa paggagantsilyo at ayan na nga…lumawak na ang kanyang imahinasyon, kaalaman at kahusayan.

Nakabuo siya ng mga creative pieces at nagawa niyang makapagsimula ng negosyong CJLA’s Crochet Atbp. na hango sa pangalan ng kanyang mga anak.

“Until now. Crochet pa rin ang source of income ko, TAKE NOTE, ENOUGH siya, minsan sobra sobra pa (emojis) Pasalamat tayo sa skills and talent na meron tayo. Di yun ibibigay sa ‘tin kung walang dahilan. God will always provide. ALWAYS.”

Sino ba naman ang hindi bibilib sa kanyang talento?

Bukod sa mga Disney princesses at mga sikat na characters, gumagawa rin siya ng mga made-to-order na Minime Dolls na more or less ay 11 inches ang laki. Ilan sa kanyang mga obra ay naipa-courier na niya sa iba-ibang bansa ayon sa request ng mga nag-order.

Sa Facebook page ng CJLA’s Crochet atbp ay matatagpuan ang kanyang mga nagawa na.

Mayroon na rin siyang Shopee store.

Nais mong makabili o magpasadya ng gawa? Order na!

 

celebrity

Ken Chan, may malalaking negosyo dahil sa pagsunod sa payo ng mga magulang

Published

on

By

Sampung taon na rin ang showbiz career ng aktor na si Ken Chan.

Nagsimula siya bilang isa sa mga co-hosts sa “Walang Tulugan” ng yumaong German Moreno at ngayon ay isa na siya sa mga bankable male actors sa local showbiz industry.

Bukod sa pagiging mahusay na artista, nalilinya na rin ang aktor sa pagnenegosyo. Sa ngayon ay mayroon na siyang tatlong businesses na inaatupag. Filipino-Chinese si Ken kaya naman nananalaytay sa kanyang mga ugat ang dugo ng pagiging negosyante.

Noong November 2020 ay ibinida ng aktor ang ipinagagawang branches niya ng iFuel gasoline stations na umabot na sa lima.

“Just visited two of my iFuel Gasoline Station branches in Baliuag, Bulacan and San Fernando, Pampanga and I couldn’t be happier with the progress coming along. Can’t wait to show you my three new branches in the works. Stay tuned to find out in which cities!” pagbibida ni Ken noong 2020.

Co-founder din siya sa negosyong Aromagicare, na ang produkto ay affordable wellness massage chair at therapy oils.

At kamakailan lang ay inilunsad niya ang Cafe Claus, ang cafe-bakery na nagse-serve ng American at Pinoy dishes bukod pa sa cake at pastries.

Wika ni Ken, bata pa lang siya ay pangarap na raw talaga niya ang magkaroon ng sariling negosyo at ngayon nga ay natupad na iyon dahil sa kanyang pagsusumikap.

Malaking factor daw ang payo ng  kanyang mga magulang noon sa pagkakaroon niya ng puhunan sa negosyo. Mula noon hanggang ngayong may matagumpay na siyang showbiz career ay ina-apply pa rin daw niya sa buhay ang pagtitipid na natutuhan mula sa mga magulang.

“Ang turo ng mga magulang ko, kapag kumita ako ng sampung piso, ’yung gagastusin ko ’yung piso at ’yung siyam na piso, itatago ko. Ini-apply ko ’yun sa buhay ko simula pa nang mag-artista ako at hanggang ngayon po,” lahad niya.

Napatunayan raw niya na kapag may mga pangarap ka at pinaniwalaan ang iyongsarili ay matutupad ang mga iyon.

Continue Reading

Inspiring

Unli suki: Mag-asawang nag-wedding reception sa Mang Inasal, doon na rin nagdaos ng selebrasyon ng binyag

Published

on

By

Sa kabila ng pandemya, sinisikap pa rin ng marami na ipagdiwang ang mga milestones sa kanilang buhay tulad ng kasal, kaarawan at binyag ng anak, kahit sa simpleng paraan.

Kaakibat na talaga ng panahon ngayon ang pagsisikap na maging wais at organisado lalo na sa usaping budget para hayahay lang ang buhay. Mahirap kasing mawalan ng trabaho o mapagkakakitaan, ‘di ba?

Ngunit pangkaraniwan na sa ating mga Pinoy ang pinaghahandaan ang mga espesyal na okasyon lalo na’t may kasabihang ‘once in a lifetime’ lang naman ito mangyari. No problemo kung maayos naman ang iyong pamumuhay at kaya ng bulsa.  Bakit nga ba hindi pa gawing bongga ang mga selebrasyon, ‘di ba, kung ito ang inyong nais?

Ngunit para sa mag-asawang kinasal sa Cebu, hindi n akailangang garbuhan pa. Pinili nilang sa fastfood na lang gawin ang reception “kasi mas tipid at hindi na kami mag-iisip ng mga utang utang pa,” paliwanag ng napaka-praktikal na bride.

Yes, sa kilalang fastfood chain na ang Mang Inasal ginanap ang kanilang wedding reception. Sa budget na P3,044 ay nabusog ang labinlimang katao kasama na ang bagong kasal sa handang masarap na chicken, unli rice at unli sabaw. May kasama na rin iyong dessert na halo-halo.

Basahin: Unli kilig: Wedding reception sa fastfood may pa-unli rice at unli sabaw sa budget na P3k

 

Kamakailan ay ibinahagi ng naging cameraman ng kasal na si Babse Dondon ang ilang larawan kaugnay sa nag-viral na newly weds. Ngunit sa pagkakataong ito, iba na ang ganap niya sa okasyon ng mag-asawa. From cameraman ay nauwi na sa pagiging isa sa mga ninong ng kanilang anak ang naging ganap nito. Kumpare na siya ng mag-asawa.

“I considered it an honor covering a wedding of any couple; but becoming one of their daughter’s “Ninong” is something else. It speaks highly of what you are to them now and after. Salamat kaau kumpare ug kumare Rian Eran Baynosa ug Rhaqueza Vicente Mosende!” ani Babse.

 

Matapos ang viral reception sa isang sikat na fastfood resto, binyagan naman ang sunod nilang ipinagdiwang. Saan pa? Sa kanilang suking Mang Inasal pa rin na may pa-unli rice at unli sabaw!

Katulad noong kasal ay kaunti lamang din ang kanilang bisita sa binyagan. Marahil ay kaugnay na rin sa protocol na dapat nating sundin.

“Our viral Mang Inasal couple has returned to the same Mang Inasal outlet. This time for the (again) simple celebration of their baby Raynisha’s christening on the same church they were wed. Nuot sa ihaw sarap jud kay super paborito nilang Rian ug King ang Mang Inasal. Kuya Kim ano na? Pit Senyor!” saad ng photographer.

 

O saan ka pa? Kung sa bahay lang gagawin ay mag-iisip ka pa ng mga lulutin, maraming hugasin at kung anu-ano pa. Sa Mang inasal may party venue ka na, may unli rice at may mga crew ka pa.

Hinangaan ang pagiging praktikal ng mag-asawang Mosende. Simple man ang selebrasyon, masaya at memorable naman.

Narito ang ilang mga nagkomento at nagpahayag na gusto ring sa Mang Inasal magdaos ng selebrasyon.

“Wow yan na din balak ko sa binyag ng anak ko po.”

“Mas praktikal naman talaga sa mang inasal.”

“Mang Inasal kc unli rice, yummy halo halo nila, sa ngayon dapat maging practical congrats!”

“Tama lang yan!! at least nakaraos nang wlang hassle kesa nman mabongga k ng gastos tapos wlang ipon panimula…praktikal n ngaun tau hirap ng buhay ah.”

Continue Reading

Inspiring

Basketball player, iniwan ang career sa PBA para maging truck driver sa Canada

Published

on

By

Isang dekadang inalagaan ni Tristan Perez ang pangarap niyang makapaglaro bilang professional basketball player sa Philippine Basketball Association (PBA).

Natupad ang pangarap na iyon ni Tristan nang kunin siya ng Blackwater Elite team noong 2016, subalit sa loob lang ng isang taon bilang professional basketball player ay nagdesisyon siyang iwan ang PBA career niya upang makapiling ang asawa sa Canada.

“Ganoon talaga, may pangarap ka, minsan talaga may isa sa inyo na mag-asawa na may igi-give up para magkasama kayo,” paglalahad ni Tristan.

Sabi niya, tinimbang niyang mabuti ang kanyang mga options  bago nagdesisyon na sundan sa Alberta, Canada ang asawang si Princess Jhameel, kung saan ito nagtatrabaho. Pinag-isipan daw niya iyon nang ilang ulit.

“I weighed my options well. I thought it many times over. My wife was pregnant and it seemed that what I would be getting from a new life in Canada outweighed anything I might earn in the PBA – assuming I play long in the league,” aniya.

Mas pinili raw niya ang Canada kaysa sa PBA dahil ang magbebenepisyo ay ang future ng kanilang mga anak.

“Mas pinilli naming mag-Canada kasi ang daming benefits na maibibigay sa future ng mga anak ko. Kumbaga, less worry lang sa future. Buo na ang desisyon ko, eh. Hindi ako basta-basta magdedesisyon na hindi ko paninindigan eh,” paliwanag niya.

Tatlong taon na rin si Tristan bilang truck driver sa Canada. Napamahal na raw sa kanya ang trabaho dahil exciting daw ang pagmamaneho ng malalaking truck sa Canada.

“Napamahal na ako sa trabahong ito. ‘Yung trabaho ko parang hindi siya nakakainip, parang ang dami niyang challenge. Risky siya, pero doon ako nag-e-enjoy, eh, lalo na pag winter. Dumadaan kami sa iba’t ibang daan, bush road, ice road… tumatawid kami sa bridge na yelo,” ani Tristan.

Kuwento niya, ang misis niya ay school driver naman.

Aniya, malayo man ang pagiging truck driver sa dati niyang propesyon bilang professional basketball player sa PBA, kakaiba raw ang feeling niya dahil masaya siya sa kanyang ginagawa.

Continue Reading

Trending