Connect with us

social media

Rastaman niregaluhan ni Donnalyn Bartolome ng mamahaling camera na pang-vlogging

Published

on

Isang unboxing video ang ibinahagi ng napakapopular na personalidad na kilala bilang si Rastaman na Rolando Plaza ang tunay na pangalan.

Screenshot from Rastaman Official YouTube video

Isang magandang klase ng camera na magagamit sa vlogging ang natanggap niyang regalo mula sa vlogger-actress-singer na si Donnalyn Bartolome.

Matatandaang nabanggit na noon ni Donnalyn sa mga nauna niyang YouTube video na kinukumbinsi niyang mag-vlog na rin si Rastaman upang magkaroon ito ng pagkakakitaan.

Noon ngang nakaraang buwan ay gumawa na si Rastaman ng sarili niyang YouTube channel – ang Rastaman Official na mayroon na kaagad na 170,000 subscribers.

Sa unboxing video, sinabi ni Rastaman na galing sa heaven ang camera. Bigay daw iyon ng half human half goddess na si Donnalyn para sa kanya na isang half-human half zombie.

“Ito na ang regalo ng hap human hap goddess sa hap human hap zombie n’yo. Rastaman in the house yo!” ang caption ni Rastaman sa kanyang video.

Si Rastaman ay unang nakilala ng publiko noong kumandidato siya sa pagka-senador noong 2019 senatorial elections.

Screenshot from Rastaman Official YouTube video

Bagaman at idineklara siyang nuisance candidate dahil sa nakawiwindang niyang sagot sa tanong na nakalaan sa mga kandidato ay naging popular siya sa social media.

“Nuisance. Eh malinaw naman ‘yung adbokasiya ko eh,” reklamo noon ni Rastaman.

Balak rin sana niyang kumandidato ulit sa pagka-senador para sa darating na halalan sa 2022, subalit hindi natuloy ang paghain niya ng Certificate of Candidacy dahil tinaman siya ng covid.

Sa vlog niya noong November 10, 2021, ipinaranas ni Donnalyn kay Rastaman kung paano mangampanya ang isang kandidato. Naghanda pa siya ng kotse, tarpaulin at mga tsokolateng ipamimigay sa mga tao habang naglilibot sila sa “pangangampanya.”

Click to watch Donnalyn Bartolome’s vlog

Dahil sa tulong na ginagawa kay Rastaman ay bumuhos ang papuri ng mga netizens kay Donnalyn:

“Hanga ako kay Donnalyn for supporting Rastaman. Sobrang inspiring. God bless po sa inyo.”

 “Sobrang humahanga ako kay Donnalyn sa pagtulong kay Rastaman. Nawa’y marami pa siya maitulong sa iba pang vloggers/content creators na nagsisimula pa lang kagaya ni Rastaman.”

 “Ang suwerte mo Rastaman, social media goddess ang camera woman mo. Goodluck po sa vlogging career. Salamat po Ate Donnalyn. Idol kita, napakamatulungin.”

(Click ang imahe para mapanood ang unboxing video ni Rastaman)

Screenshot from Donnalyn Bartolome’s vlog

social media

Twitter account ni Jam Magno tuluyan nang sinuspinde

Published

on

By

Tuluyan nang sinuspinde ang Twitter account ng sikat at kontrobersiyal na social media personality na si Jam Magno.

Ibinahagi pa ni Magno ang screenshot ng kaniyang suspendidong Twitter account sa isang Facebook post na kinalaunan ay tinanggal niya rin.

Nakasaad sa screenshot na nilabag umano ni Magno ang rules sa Twitter, ayon sa ulat ng ABS-CBN News.

“Your account is permanently in read-only mode, which means you can’t Tweet, Retweet, or Like content. You won’t be able to create new accounts,” nasasaad dito.

Hindi naman daw malaman ng popular na vlogger kung ano ang tunay na dahilan sa pagkakasuspinde ng kaniyang Twitter account.

“HOW ON EARTH DID THIS HAPPEN? Uhm, should I be shocked? They just talked about this at the BBM interview. Am I part of the 300? I am 5000000 confused. Is it because I tweet against Leni? And because I like BBM?” wika nito.

Subalit sa kaniyang pinakahuling Facebook post, tila may bago na siyang Twitter account gamit ang ibang pangalan.

Si Magno ay kilalang masugid na taga-suporta ng kasalukuyang administrasyon at ni Pangulong Duterte.

BASAHIN: Video ng pagsuporta ni Jam Magno kay Robin Padilla, usap-usapan

Mahigpit din siyang kritiko ng mga ‘dilawan’ at oposisyon, at ni Vice President Leni Robredo.

Noong nakaraang taon ay sinuspinde rin ng Tiktok ang account ni Magno sa popular na video sharing platform.

Sa kabila nito, hindi nagpatinag ang vlogger at sinabing mapapanood pa rin siya ng kaniyang mga followers sa Tiktok Live version.

“Let me remind you that being banned on Tiktok is NOT new to me and I came back from it before. I am still going to [go] Live regardless and being declared PNG {persona non grata) even more so,” matapang na hamon nito.

Nitong Martes, ibinahagi rin ni Magno na magbabalik na siya sa Tiktok.

Aniya,” I loved not being on Tiktok. I realized Social Media does not dictate my Life because I use my platform to share what I like and I am passionate about and also it connects me to the best people. Also, it will never stop me from being who I am in real life just because you think it’s right to ban me. But if you think I am giving up despite all that you do to my profiles. NEVER.”

Continue Reading

Food

Taho vendor sa Boracay, nag-viral dahil sa cashless na pagbebenta

Published

on

By

Kapag tayo ay bumibili sa taho vendor ang ipinambabayad natin ay ang perang hawak-hawak natin, pero alam mo ba na ang ilang taho vendor sa Boracay ay tumatanggap na ngayon ng cashless payment?

Viral ngayon sa social media ang taho vendor sa isla ng Boracay na si Mang Reynaldo Indalos.

Paano ba naman hi-tech na rin kasi ang pagbabayad sa kanya ng mga customer. Si Mang Reynaldo ay tumatanggap ng bayad gamit ang GCcash at Paymaya app. May pa-QR code o ‘quick response’ code pa ito. Scan and pay, ganoon kadali!

“Sa beach maam kapag nagdadala po ako nito, ang sigaw ko po Tahooo!  kapag walang cash pwede gcash,” ani  Reynaldo sa Ulatbayan.

Ayon kay Roanne, isang online freelancer na kumuha ng video, natuwa siya sa diskarteng ito ni Mang Reynaldo kaya’t kahit walang dalang cash ay napabili na rin siya ng taho.

“I find cashless transaction mas convenient and also para iwas na rin  for covid sense. ‘Yung money syempre. ‘Yung transfer ba ng viruses sa paghawak natin ng pera,” aniya sa Ulatbayan.

 

Ayon pa sa uploader, maging ang mga maliliit na vendor sa Boracay ay naka-cashless transaction na rin.

“Bibigyan ka na talaga nila ng QR code. As in naka laminate na talaga at ipapakita na lang sa’yo,” aniya.

Para naman kay Mang Reynaldo, na anim na taon nang magtataho sa Bora, nakatulong din sa kanya ang ganitong mode of payment. Minsan kasi ay malaki rin ang tip ng mga customer at dahil sa kanyang kwelang personalidad na-feature na rin siya ng mga bloggers mula sa ibang bansa.

“‘Yung taho ko, maam, may halong pagmamahal,” ngiting sabi ni Mang Reynaldo.

“Pampatibay ba ng relasyon ‘yung taho ko, sigurado,” dagdag pa niya.

Sa panahong nasa gitna tayo ng pandemya, lumalabas lalo ang diskarte ng marami at nahihikayat ang bawat isa na sumabay sa teknolohiya na mayroon ngayon. At sa panahon din na apektado ang kabuhayan ng mga maliliit na naghahanap-buhay, mainam na sila’y ating tangkilikin at suportahan.

Continue Reading

celebrity

Kakai Bautista, may paalala sa mga kabataan: “Matuto muna kayong maglaba”

Published

on

By

Nag-post ang aktres-komedyante na si Kakai Bautista sa kanyang Facebook account kung saan sinabi niyang huwag magpakasalaula ang mga kabataan.

Paalala ng aktres sa mga kabataan na nag-iinarteng adult sa social media na matuto munang maglaba ng underwear: “Kahit may katulong pa kayo sa bahay, kayo dapat ang naglalaba nyan. NO TO SALA-ULA,” aniya.

“Kayong mga kabataan, bago kayo mag-aarteng adult sa social media, matuto muna kayong maglaba ng mga panty at brief n’yo,” aniya.

“Tama po miss Kakai Bautista kailangan matuto na ang mga kabataan kahit man lang underwear ay labahan nila…kahit mayaman ka man o mahirap hindi lang sa paglalaba ng underwear matuto ang kabataan dapat sa gawaing bahay din kasi sa totoo lang po marami tamad na kabataan ngaun, puro lang asa sa magulang o lola simpleng gawaing bahay lang pag inutusan mo naka muryot agad si face….peace lang,” kuwento ng isa sa mga followers ni Kakai.

Kasunod ng kanyang pag-post sinabi niyang siya ang naglalaba ng kanyang mga underwear.

“FYI ako ang naglalaba ng mga panties ko. Babad muna tapos banlaw,” aniya.

“Si Lucy minsan taga banlaw. Ayoko kase talaga ipalaba sa iba. Personal hygiene ‘yun eh,” hirit ng komedyante.

“Taas kamay ng mga adult na pero sila paren naglalaba ng underwear nila!” dagdag pa niya.

Bumuhos naman ang mga tugon sa kanyang mga post. Mahigit isang libo ang nagbahagi rin ng kanilang saloobin at may mga larawan pa.

“Kaming mahirap lang idol kayang kaya po namin Yan di lang panty panglahatan sino membro sa bahay salitan lang yan turo ng mama namin saming magkapatid mawala man sila busog raw kmi sa kaalaman at pangaral nila,” komento ng isang netizen.

Sa panahon ngayon ay magandang mulat lalo ang mga kabataan sa mga gawaing bahay para saan man sila mapunta ay hindi sila kawawa na wala silang alam gawin. Sabi nga ng nanay ng karamihan, pag mapupuri ang isang bata – unang mapupuri ang kanyang mga magulang at kung siya man ay mapintasan, una ding mapipintasan ang kanyang magulang sapagkat ‘di niya naturuan ang anak niya habang ito ay bata pa.

Continue Reading

Trending