Connect with us

beauty

286M: Kilalanin ang babaeng may pinakamaraming Instagram followers sa buong mundo

Published

on

Sino nga bang celebrity lady ang may hawak ng record pagdating sa may pinakamaraming followers o fans sa Instagram?  Who else kundi ang 24-anyos na si Kylie Jenner!

Image via Instagram

Ang isang paraan para maging updated ang netizens sa kanilang mga iniidolo ay ang Instagram, isang popular na social media application. Ito ang kadalasang ginagamit ng mga sikat na artista at personalidad sa buong mundo upang magbahagi ng mga kaganapan sa kanilang buhay at career. Nagagamit din nila ito upang mag-promote ng kanilang mga proyekto at businesses at mamintini ang kanilang popularidad.

Isang celebrity ang kauna-unahang babae na nakaabot ng 200 million Instagram followers na ngayon ay umabot pa sa mahigit 286M as of posting.  Siya ay walang iba kundi si Kylie Kristen Jenner na mas kilala bilang Kylie Jenner.

Image via Instagram

Siya ay 24-anyos, isang American media personality, socialite, model, at businesswoman. Nagsimula siya sa E! reality television series na ‘Keeping Up with the Kardashians’ mula 2007 hanggang sa kasalukuyan. Siya ang nagtatag at may-ari ng cosmetic company na Kylie Cosmetics. May 3-anyos na anak na babae sila ng kanyang partner na si Travis Scott, si Stormi, na sa susunod na taon ay magkakaroon na ng kapatid. Si Scott (Jacques Bermon Webster II sa totoong buhay), ay isang popular na  American rapper at record producer. Nitong nakaraang buwan ng Nobyembre ay naging laman ng headlines ang rapper dahil sa trahedyang naganap sa kanyang Astroworld concert.

Ibinabahagi ni Jenner sa kanyang social media accounts ang kanyang mga produkto na siya mismo ang nagsisilbing modelo at nag-eendorso. Bukod sa beauty products ay mayroon din siyang baby products.

Images via Instagram

Dati niyang hawak ang top spot sa most liked Instagram post, at marami siyang posts sa IG na talaga namang humahakot ng milyon-milyong likes. Nagbabahagi siya ng mga updates na nakatuon sa kanyang trabaho, personal na buhay, maraming baby pictures ng kanyang anak at ng kanyang partner na si Scott.

Masasabing kamakailan lang ay ‘neck to neck’ ang kanyang record sa sikat na soccer player na si Lionel Andrés Messi, na mas kilala bilang Leo Messi na may 287M nang followers sa IG.  Naungusan na nito si Jenner.

Si Messi ang ‘forward’  sa Ligue 1 club Paris Saint-Germain at captain ng Argentinian national football team. Bilang isa sa mga world-famous players, ang IG account ni Messi ay maraming larawan ng kanyang paglalaro ng soccer bukod sa personal niyang buhay at mga dinadaluhang events at iba pang pagtitipon.

Samantala, ang most followed human sa Instagram ay si Cristiano Ronaldo na may 366 milyon na followers; Forward ng team Juventus at captain ng national Portuguese team.

Ang Top 1? Siyempre, ang official account ng Instagram  na may  447m followers…and counting!

beauty

Hairstylist na may eye-catching flower braids hinahangaan ngayon sa social media

Published

on

flower braid hairstyle

Hanggang saan aabot ang pag-aayos mo ng buhok? Ikaw ba iyung simple at maayos na suklay lang ay kuntento na o talaga bang gumugugol ka ng ilang oras para maging mas presentable pa ang iyong “crowning glory”? Kung nasa pangalawa ka, tiyak na matutuwa ka sa hinahangaan ng marami ngayon na isang hairstylist mula sa Vietnam dahil sa mga naiiba at eye-catching flower braids na ginagawa nito.

Sa kanyang Facebook, Instagram, at TikTok accounts, pinahahanga ni Nguyen Phat Tri sa kasalukuyan ang maraming social media users sa simpleng pagpo-post niya ng photos at videos ng kanyang mga naiibang obra.

flower braid hairstyle

At masayang-masaya ito dahil noon pa man ay pangarap na niyang maibahagi ang kanyang kakayahan at ipakita sa mundo ang husay ng mga Vietnamese pagdating sa hairstyling.

“I want to inspire creativity in people who share my passion, and I hope to help Vietnam’s hair industry grow and reach the world,” saad niya.

Malayong-malayo sa unang kurso ni Nguyen ang pag-aayos ng buhok. Nagtapos siya ng pag-aaral sa An Giang University, kung saan siya nakakuha ng degree sa Biotechnology noong 2015. Ngunit dahil sa pangarap niya bilang isang hairstylist, nagdesisyon siyang tumungo sa Ho Chi Minh City para pag-aralan ang makeup at hairdressing.

Hindi naman siya binigo ng kanyang pangarap at naging maganda ang resulta ng kanyang mga flower braid.

flower braid hairstyle

Ang mga disenyo ni Nguyen at nakapag-generate ng libo-libong views sa social media. Ang pinakasimple niyang disenyo ay inaabot ng isa hanggang dalawang araw, habang ang iba naman na talagang mabusisi ay matiyagang ginagawa sa loob ng dalawa hanggang tatlong buwan.

Sa kasalukuyan ay mayroon umanong high demand sa mga disenyong ginagawa ni Nguyen, kahit pa may kamahalan din ang ilan sa mga ito. Sa katunayan, ilan sa mga bridal design na ginagawa niya ay nagkakahalaga ng $130 hanggang $218, habang ang iba na mas mahirap gawin ay nasa $218 hanggang $305 naman.

flower braid hairstyle

Continue Reading

beauty

Ian Veneracion, naglunsad ng sariling skin care products para sa mga kalalakihan

Published

on

By

Naglunsad ang multi-talented actor na si Ian Veneracion ng sariling skin care products na para sa mga kalalakihang tulad niya ay may active lifestyle.

Timeless by Ian Veneracion ang brand ng produkto. Kabilang dito ang  facial wash, toner, serum, at sunscreen — na ang mga sangkap ay glycerin, salicylic acid, tea tree oil, at niacinamide.

Image from Ian Veneracion

Tagumpay ang launching ng mga produkto na eksklusibong idi-distribute ng I AM Worldwide Corporation, ayon sa business partner ng aktor na si Maricor Flores, na siya ring ka-partner ni Jinkee Pacquiao sa sariling skin care line.

“Grateful that the launch of Timeless was a resounding success yesterday. IAM Worldwide Corporation for the opportunity to work with you. Hi @ianveneracion1 and Paolo Bustamante, Just want to thank you for the effort you render in our venture. Yesterday’s launch was indeed a dream come true and would have not been a success if not for your cooperation and love poured into our partnership. Looking forward for greater things ahead,”  saad ni Ms. Flores sa Instagram post niya.

Sabi ni Ian Veneracion, hindi niya ilalagay sa isang produkto ang kanyang pangalang matagal na inalagan at iningatan kung hindi isya siguradao na mahusay iyon.

Image from Maricor Flores

“Hindi ko ilalagay ang pangalan ko naman sa isang produkto na hindi ako naniniwala or alam kong… you know, hindi ako sigurado. Kasi ang tagal kong inalagaan ‘yung pangalan ko so hindi ko basta ilalagay ‘yun sa produkto na hindi ako bilib,” anang aktor.

Sabi niya, matagal ang naging proseso bago ilabas ang produkto. Neg-eksperimento muna raw sila at sinubukan ang produkto bago ang ginawang launching.

“We started from zero, we came up with the product. Kaya andiyan talaga ‘yung ‘Timeless by Ian Veneracion’ because amin talaga ‘yan. Ineksperimentuhan at sinubukan. Dumalaw ako sa planta, nakita ko ‘yung operations. Iba siya sa endorsement eh. Hindi ko naman ilalagay ang pangalan ko sa produkto nang hindi ako naniniwala,” aniya.

Gumawa raw siya ng research at marami umano siyang inputs sa pagbuo ng produkto, ayon kay Ian.

Image from Ian Veneracion

Continue Reading

beauty

Ivana Alawi, pang-apat sa “100 Most Beautiful Faces of 2021”

Published

on

By

Sa ikalawang pagkakataon ay muling napasama ang pangalan ng actress-vlogger na si Ivana Alawi sa listahan ng “100 Most Beautiful Faces of 2021” na inilabas ng TC Chandler at Independent Critics noong Martes, December 28.

Mula sa 130,000 celebrities mula sa iba’t ibang bansa ay isandaan lang ang pinili ng mga hurado.

Image from Ivana Alawi

Sa isandaang celebrities na napili ay pumang-apat si Ivana Alawi sa ikalawang taon niyang mapasama sa listahan. Noong nakarang taon ay nasa 11th spot siya.

Bukod kay Ivana, dalawa pang Pinay actresses ang napabilang sa listahan – si Liza Soberano at Janine Gutierrez.

Number 18 ang ranking ngayon ni Liza Soberano na isa nang hall of famer sa naturang listahan dahil ito na ang ikapitong taon niyang mapabilang sa 100 Most Beautiful Faces.

Si Janine naman ay nasa 78th spot at ito ang unang pagkakabilang siya sa listahan ng mga celebrities na may magagandang mukha.

“The list introduces new faces to countries they ordinarily would not reach. The Independent Critics search far and wide, listening to many millions of suggestions submitted by the public over the past couple of decades,and they put together a list representative of the modern ideal of worldwide beauty,” sabi ng TC Chandler.

“Aesthetic perfection is only one of the criteria. Grace elegance, originality, daring, passion, class, poise, joy,promise, hope…they are all embodied  in a beautiful face,” ayon pa rito.

Image from TC Chandler

Isang thankless job daw ang ginagawa nila para sa listahang ito dahil hindi naman daw lahat ay sumasang-ayon sa kanilang napipili.

Ang nakasungkit ng number 1 spot sa 100 Most Beautiful Faces of 2021 ay ang Thai singer-rapper-dancer na si Lalisa Manoban na nakabase sa South Korea at miyembro ng K-pop group na Blackpink. Mas kilala siya sa tawag na Lisa.

Noong nakaraang taon ay nasa 2nd spot si Lisa. Isa na rin siyang hall of famer dahil ito na ang ika-anim na taon niya sa listahan.

Image from TC Chandler

Continue Reading

Trending