Connect with us

celebrities

‘Kung may nakakaalam ng buhay ko, si Aiko’: Ogie masayang-masaya bilang new manager ni Aiko

Published

on

ogie aiko

Masayang-masaya ang showbiz personality at talent manager na si Ogie Diaz sa panibagong kabanata ng pagkakaibigan nila ng aktres na si Aiko Melendez. Bukod sa malalim na samahan nila bilang magkumare’t kumpare, siya na rin ngayon ang humahawak sa ABS-CBN actress.

“Ako na po ang manager ni Ms. Aiko Melendez. Kung may mga inquiries po kayo sa kanya, ako na lang po ang inyong kontakin,” saad niya sa Ogie Diaz Showbiz Updates.

ogie aiko

Ani Ogie, mga binata’t dalaga pa sila ni Aiko ay magkakilala na sila at talaga namang magkaibigan na. Simula pa lamang daw sa Bubble Gang ay close na sila ng aktres kaya naman ikinatutuwa niya ang panibagong yugtong ito sa kanilang dalawa.

“Inaanak ko ‘yong mga inaanak niya, inaanak niya ‘yong mga inaanak ko, so ganoon kalalim ang aming friendship,” kuwento niya.

“Actually, nakiusap si Aiko na kung puwede ko siyang i-manage. Lagi ko namang sinasabi rito, kung mayroon akong dalawang artista na mahal na mahal na mula no’ng araw hanggang ngayon na consistent na mahal ko na puwede kong murahin at puwede ko ring mahalin, at alam mo ‘yon, anytime gusto kong kausapin o ako gustong kausapin, e, nagkakaroon kami ng communication at hindi nahihiyang maglahad sila ng problema sa akin o humingi ng payo. Ganu’n din naman ako. Kung may nakakaalam ng buhay ko, si Aiko at si Paolo Contis,” pagbabahagi niya.

ogie aiko

Screenshot mula sa Ogie Diaz Showbiz Update | YouTube

Kuwento pa ni Ogie, ito raw ang birthday gift na hiniling sa kanya ni Aiko ngayong Disyembre kaya naman pinagbigyan niya ito. Masayang-masaya rin daw ang aktres dahil walang pressure mula sa kanya kahit pa mahahati ang atensiyon nito sa pagiging artista at pulitiko.

ogie aiko

Screenshot mula sa Ogie Diaz Showbiz Update | YouTube

“Sabi ko, ‘oh, tatakbo ka ha, magiging konsehal ka n’yan so mahahati ang atensyon mo. Sabi niya, ‘mader kailangan ko pa ring magtrabaho, hindi naman ako pumasok sa politics para magpayaman. Kailangan ko pa ring kumayod para may pambuhay ako sa pamilya ko,” aniya. “So okay na iyon.”

celebrities

‘Napadpad na tayo kung saan’: Angelica nagbahagi ng 2002 photo nila ng kaibigang si Glaiza

Published

on

angelica glaiza

Sa kabila ng pagiging artista sa magkaibang network, isa sa pinakamatitibay na samahan sa mundo ng showbiz ang pagkakaibigan nina Angelica Panganiban at Glaiza De Castro.

angelica glaiza

Imahe mula sa Instagram account ni Angelica Panganiban

At nito lamang nakaraan, sinariwa ni Angelica ang isa sa mga masasayang araw nila ni Glaiza noon sa pamamagitan ng litratong ini-upload niya para sa kaarawan ng kaibigan. Sa Instagram, binalikan ng Kapamilya star ang pagsisimula nila ng Kapuso actress.

“Mula sa surprise birthday party sa Bulacan, napadpad na tayo kung saan-saan,” saad ni Angelica sa caption ng larawang ibinahagi niya. Mula umano ito sa taong 2002.

“Panalangin kong malayong-malayo pa ang marating mo patungo sa mga pangarap mo sa buhay. Huwag mo lang kalimutang lumingon at kumaway sa aming mga nagmamahal sayo. Palagi akong nandito para sa’yo, Amigah. Happy birthday diyan, bata! Hipbamp to the moon and back!” pagpapatuloy niya.

angelica glaiza

Pinasalamat naman siya ni Glaiza na halatang naantig sa post niya. Wika nito, “Grabe naman ‘tong message na ito, ‘tsaka ‘yong tagal ng litratong ito! Haha salamat, amigah! Sa lahat lahat! Mahal kita.”

Unang nagkatrabaho sina Angelica at Glaiza sa teen-oriented TV series na Berks, na umere mula 2002 to 2004. Simula nito, itinuring na nilang mabuting kaibigan ang isa’t isa. Sa isang naunang panayam, ibinahagi ni Angelica kung gaano kaganda at katibay ang pagkakaibigan nila ni Glaiza.

angelica glaiza

 

“Maglaban man ang network, sabihin na hindi kami puwedeng makipagkaibigan kasi sa ibang network siya nagtatrabaho, nando’n po kami sa level na, ‘Ay, sorry po. Eh, ‘di huwag na lang akong mag-work,’” wika niya.

Isa rin si Glaiza sa mga nakakasama ni Angelica pagdating sa #travelgoals. Matatandaang minsan ding pumunta ng Bhutan ang magkaibigan.

“Naging perfect ‘yong lugar doon sa nararamdaman ko. Parang ang laki ng mundo. Isipin mo, ‘yung Bhutan ang liit-liit lang niya, eh country na ‘yon, so paano pa ako? Tao lang ako, eh ilan tayong tao? Magma-matter ba ‘yong problema ko?”

Continue Reading

celebrities

‘Puwede ba natin ulitin?’ Ice binalikan ang huling pagkikita nila ni Coney 10 taon pabalik

Published

on

ice coney

Sa dami ng mga proyektong pinagsamahan nilang dalawa, hindi na nakagugulat na mayroong nabuong espesyal na samahan sa pagitan nina Aiza “Ice” Seguerra at Coney Reyes. At dahil matagal-tagal na rin silang hindi nagkikita, hangad ni Ice na muli niyang makasama ito.

ice coney

Imahe mula sa Instagram account ni Ice Seguerra

Sa Instagram, ibinahagi ni Ice ang isang litrato nila ni Coney na kuha noong 2012. Aniya, ito raw ang huling beses na nakasama nila ang isa’t isa.

“Nahalungkat sa baul,” saad niya sa caption ng larawan na ibinahagi niya. “This was in 2012, the last time we had dinner together. Sampung taon na ang nakakalipas.”

Hirit niya sa beteranang aktres, “Puwede ba natin ulitin, Tita @coneyreyes? I miss you so much. Hope to see you soon. I love you!”

ice coney

Agad namang tumugon si Coney at sinabing hangad niya ring makasama muli ang dating child star.

“Love you always, dear Icing!” wika nito. “Kita tayo ‘pag safe na talaga. Ingat lagi. God bless you and take good care of you always [sic].”

ice coney

Ikinatuwa ng marami ang pagbabalik-tanaw ni Ice. Anila, masaya silang makitang magkasama sa isang larawan ang dalawang artista na madalas nilang napapanood noon sa mga palabas sa telebisyon at pelikula. Hiling nila, sana ay magkaroon muli ng palabas ang mga ito nang magkasama.

“Mother and daughter tandem Coney and Aiza from Eat Bulaga days,” pagbabalik-tanaw ng Instagram user na si @marygracesiasonpanizales.

“I remember how she used to be your second mom sa Eat Bulaga noon,” pag-aalaala ni @missyricat. “She loved you like her own!”

“Miss ko na rin na makita kayo together. Sana soon may project ulit kayo,” saad ni @carines_rs.

Hiling naman ni @mimimagsajo, “Sana kahit sa teleserye lang magkasama kayo ulit, Coney and Aiza. You are both talented.”

Ikaw, na-miss mo rin ba silang makitang magkasama sa isang proyekto?

Continue Reading

celebrities

Kris sa mga nagpapakalat na wala na siya: ‘Sorry pero ilalaban pa na mapahaba ang oras ko’

Published

on

kris

Kamakailan lamang ay nagsimulang umugong ang mga bali-balita na wala na ang Queen of All Media na si Kris Aquino. Magkakaiba ang lugar pero halos iisa ang tinatakbo ng mga istoryang ito na naglalabas ng maling impormasyon.

Para linawin na walang katotohanan ito, nag-post ang aktres sa kanyang Instagram account, kung saan sinabi niya na pipilitin niyang kayanin pa ang lahat para sa kanyang mga anak.

kris

“It’s been disturbing that, since Friday, so many have been spreading fake news about me being either in St. Luke’s BGC or the States but always with the same theme, that I’m in the intensive and in critical condition. None of that is true,” saad niya.

Saad ni Kris, nakalulungkot isipin na para bang may mga taong nakaabang pa na sundan niya ang kapatid niya, ang late president Benigno Simeon “Noynoy” Aquino III, sa kabilang buhay.

“Ayaw akong tigilan ng #fakenews and parang sobrang excited ‘yong mga troll na within one year both Noy and me would pass away. Sorry to disappoint pero buhay at ilalaban pa na mapahaba ang oras ko because Kuya Josh and Bimb still need me,” wika ng aktres.

kris

Screenshot mula sa video ni Kris Aquino | Instagram

Samantala, pinasalamatan naman ni Kris ang mga kaibigan na patuloy na nagpaparamdam sa kanya ng pagmamahal.

“To all my real friends who have gone out of their way to reach out, send me food, fruits, flowers, balloons, and just so much na nahihiya na ko-because they want to make me feel their love and affection-you have my lifelong loyalty and gratitude,” aniya.

Dagdag na mensahe niya para sa mga tao na makababasa ng kanyang post, “Good night but definitely it’s not yet goodbye.” Nilakipan niya ito ng yellow heart emoji bilang pagtatapos sa kanyang post.

kris

Continue Reading

Trending