Connect with us

News

900 senior citizens sa isang barangay sa Pasig nakatanggap ng cash gift via door-to-door delivery

Published

on

senior citizens cash gift

Magiging mas masaya pa ang Pasko ng humigit-kumulang 900 senior citizens ng Barangay San Antonio (BSA), Pasig City dahil bukod sa natanggap nila galing sa city government, may makukuha pa silang Christmas cash gifts mula sa kanilang barangay.

senior citizens cash gift pasig

Imahe mula sa Barangay San Antonio, Pasig

Ayon kay BSA Chairman Raymond Lising, matatanggap ng senior citizens ang cash gifts mula sa seguridad ng kani-kanilang tahanan dahil ipamimigay ang mga ito sa pamamagitan ng door-to-door delivery para matiyak na ligtas ang mga ito sa banta ng COVID-19.

“We’ve started distributing the P500 Christmas cash gift of our senior citizens on December 15, and we are targeting to distribute all the cash gifts in seven days. For their safety, since there is still pandemic, we are delivering the cash gifts right at their door step. Safety protocols will be strictly imposed in the distribution,” saad ni Lising tungkol sa programa na kanila raw “little way of thanking senior citizens and making them feel special during the Christmas Season.”

Wika ng barangay leader, minabuti na raw nilang magpadala ng pera sa halip na grocery items para mabigyan ng kalayaan ang senior citizens na bilhin ang kung anumang nais at kailangan nila sa pamamagitan ng cash gifts.

“By giving them cash gifts, we’re providing them freedom to buy what they need this Christmas Season,” aniya.

senior citizens cash gift pasig

Imahe mula sa Facebook account ni Kapitan Raymond Umale Lising

May choice din ang senior citizens sa pagkuha ng kanilang Christmas cash gifts. Bukod sa door-to-door delivery, maaari rin nilang kuhanin ito sa barangay hall habang sinusunod ang minimum health and safety protocols.

Base sa tala ng barangay, karamihan sa mga elderly nila ay bakunado na at ang mga natira na lamang na hindi ay ang mga hindi nagpabakuna dahil sa “health reasons or personal beliefs.”

Samantala, tiniyak ni Lising na sa kabila ng nagaganap pa rin na COVID-19 pandemic, hindi titigil ang pamunuan ng barangay na gumawa ng paraan para iparamdam sa mga matatanda at sa lahat ng mga residente na tuloy na tuloy pa rin ang Pasko sa BSA.

“Sa ating mga lolo at lola sa BSA, nawa ay maipadama natin ang diwa ng Pasko sa panahon ng pandemya. Patuloy pa din tayo sa pag-iingat dahil sa banta ng virus. Pero hindi hadlang ang virus para makapaghatid ng saya ang BSA,” saad ng kapitan na pinuri rin kamakailan ng marami sa social media matapos mamigay ng tig-sasampung kilo ng bigas sa 7000 BSA residents.

senior citizens cash gift

Imahe mula sa Barangay San Antonio, Pasig

News

Bilang ng nawawalang sabungero, umakyat na sa 20; PNP inaalam pa kung may sindikatong sangkot

Published

on

By

Nadagdagan pa ang bilang ng mga sabungerong misteryosong nawawala habang iniimbestigahan ng mga awtoridad ang naunang insidente sa Laguna at Maynila.

Lumabas ngayon sa kanilang pagsisiyasat na nasa 20 sabungero na ang basta na lamang naglaho at hindi na nakita pa simula noong nakaraang taon.

Ayon sa PNP, natuklasan nilang may 10 pa palang sabungero mula sa Bulacan ang nawawala rin mahigit walong buwan na ang nakararaan, ayon sa kanilang mga kaanak.

“The plot thickens when ten men from Bulacan who were engaged in a cockfight are added to the list of missing individuals. Their kin said that it has been more than eight months now since their disappearance,” pahayag ng PNP batay sa ulat ng GMA News.

Ang sampung kalalakihang ito umano ay nagpunta rin sa kaparehong sabungan sa Sta, Cruz, Laguna.

Kung matatandaan, unang napaulat ang apat na kalalakihan mula Rizal na nagpunta sa sabungan sa Sta. Cruz noong Enero 13 ang hindi na nakita pa.

Batay sa CCTV footage ng cockpit arena, ang sasakyang ginamit ng mga biktima ay nakita pang lumabas subalit hindi malinaw kung nakasakay sila rito.

Kasunod nito ay 6 ring sabungero ang ‘naglaho’ matapos bumisita sa isang sabungan sa Sta. Ana, Manila sa kapareho ring araw.

Nakunan rin sa CCTV ang kanilang pag-alis sa sabungan sakay ng isang Tamaraw FX habang sinusundan naman ng isa pang kotse.

Kaugnay nito, patuloy pa ring pinag-aaralan ng PNP ang kaugnayan sa isa’t-isa ng tatlong magkakatulad na insidente.

“The CIDG is now connecting the dots. These incidents do have a lot in common. We will find out if there is a syndicate behind these cases,” ani PNP chief General Dionardo Carlos.’

Umapela na rin ang mga awtoridad sa pamunuan at may-ari ng dalawang sabungan upang makilala ang mga handlers at financiers ng mga nawawalang lalaki.

Continue Reading

News

COVID-19 Care Kits sa isang barangay sa Pasig tiniyak na mapakikinabangan ng mga residente

Published

on

covid-19 care kits

Dahil hindi biro ang pinagdadaanan ng mga taong nagpopositibo sa COVID-19, tiniyak ng pamunuan ng isang barangay sa Pasig City na mapakikinabangan talaga ng mga residente ang kanilang COVID-19 Care Kits.

Ayon kay Barangay San Antonio (BSA) Chairman Raymond Lising, nasa 800 libreng COVID-19 Care Kits na ang ipinamigay nila sa mga residenteng nagpapagaling sa kanilang tahanan. Bawat isang kit ay inihanda upang magamit nila sa panahong naka-isolate sila at hindi makalalabas ng bahay, lalo na iyong mga wala talagang ibang maasahang lumabas.

“So far, we have provided more than 800 kits to our kabarangays who are recuperating at home. We are delivering these kits right at the doorstep of our kabarangays with symptoms of COVID-19,” ani Lising.

covid-19 care kits

Imahe mula sa Barangay San Antonio, Pasig City

Ang isang COVID-19 Care Kit ay naglalaman ng Oximeter, batteries, ascorbic acid tablets, paracetamol tablets, digital thermometer, face masks, garbage bags, at alcohol. Wika ng kapitan, pinaghandaan talaga nila ang mga kita dahil hangad niyang iparamdam sa mga residenteng may COVID-19 na hindi sila nag-iisa.

“We want our infected kabarangays to feel that they are not alone in battling COVID-19. The Barangay San Antonio is here to assist them and help them get back to health,” aniya.

covid-19 care kits

Imahe mula sa Barangay San Antonio, Pasig City

Matatandaang ang BSA ang unang barangay sa Pasig City na namigay ng libreng COVID-19 Care Kits sa mga residentang tinamaan ng nasabing karamdaman. Sa pamamagitan ng mga ito, matutulungan silang ma-monitor ang kanilang health condition habang nasa ilalim ng home isolation, ani Lising.

Hangad daw nila na tulungan ang mga residente na gumaling agad at maiwasan ang paglala ng kanilang kondisyon.

“We are closely monitoring the cases of COVID-19 in our barangay. Once we learn a resident is conducting home isolation, we immediately send him/her a BSA COVID-19 Care Kit,” saad niya.

covid-19 care kits

Imahe mula sa Barangay San Antonio, Pasig City

Bukod sa pamimigay ng libreng COVID-19 Care Kits, patuloy din ang telemedicine program na inilunsad ng barangay para makapagbigay ng free medical consultation sa mga residenteng nasa kani-kanilang tahanan.

“They may avail of the free medical service by contacting BSA on Viber at 0998-842-7154,” saad niya.

Samantala, matatandaang kamakailan ay nakipag-partner din ang BSA sa The Medical City (TMC) para makakuha ng libreng teleconsultation sa TMC doctors ang mga BSA resident sa pamamagitan lamang ng pagte-text sa 0923-4468-181.

“After contacting the TMC hotline, you need to fill out a consent form, Google form and health declaration which will be sent you,” dagdag niya.

Continue Reading

government

Rekomendasyong kasuhan sina Sec. Duque at ex-FDA chief Domingo, binawi ng Kamara

Published

on

By

Ilang oras lamang matapos isapubliko ang committee report na nagrerekomendang sampahan ng reklamo sina Health Secretary Francisco Duque III at dating FDA chief Dr. Eric Domingo dahil umano sa kapalpakan ng mga ito sa pagtugon sa pandemiya, binawi naman agad ito ng Kamara.

Nitong Miyerkules, Enero 26, ay inilabas ang Committee Report No. 1393 na may petsang December 16, 2021 na nagmumungkahing kasuhan sina Duque at Domingo dahil sa paglabag sa Republic Act No 6713 o ang “Code of Conduct and Ethical Standards for Public Officials and Employees,” at sa “Anti-Red Tape Act of 2007”.

Ang dalawang opisyal umano ay dapat ksauhan dahil sa kanilang “failure to render government services such as approval of applications for automatic renewal within prescribed time.”

Kinuwestiyon din ng report ang magkakasalungat na pahayag ng DOH at FDA hinggil sa Ivermectin bilang gamot sa COVID, pagiging ‘bias’ pabor sa Philippine Society for Microbiology and Infectious Diseases, Inc. (PSMID), at backlogs sa mga aplikasyon sa License to Operate and Certificate of Product Registration.

Ang committee report ay nagmula sa House Committee on Good Government and Public Accountability chairperson na pinamumunuan ni DIWA party-list Rep. Michael Edgar Aglipay.

Nagkamali kaya binawi?

Subalit nitong Miyerkules din ay binawi rin ito ng Mababang Kapulungan dahil hindi pa raw tapos ang kanilang pagdinig tungkol sa nasabing usapin.

“The House of Representatives has always followed the rule of law. And in the constitution enshrined the principle of due process. The resource persons remain such and cannot be respondents unless he was able to attend all hearings and defend himself,” paliwanag ni Aglipay sa mensaheng ipinadala sa mga mamamahayag.

“So with this, the committee will conduct further hearings or get the side of Secretary Duque since he was not able to attend those hearings. Then and only then we will be able to get the full picture,” dagdag pa ng kongresista.

Inamin rin ni Aglipay na nagkamali sila dahil absent umano sa mga pagdinig si Duque at inakala nilang ini-waive ng kalihim ang kaniyang karapatang marinig sa Kongreso.

Continue Reading

Trending