Connect with us

technology

Tech company handang magbayad ng $200,000 kapalit ng paggamit ng iyong mukha at boses sa mga robot nito

Published

on

tech company robot

Handa ka bang ibigay sa isang tech company ang iyong mukha at boses para gamitin sa mga robot nito kung ang kapalit na halaga ay tumataginting na $200,000?

tech company robot

Screenshot mula sa Promobot Russia | YouTube

Kilala sa mga pagpo-prodyus ng mga hyper-realistic, humanlike robot, kasalukuyang nagde-develop ang Promobot ng isang humanoid robot-assistant na may kakayahang magtrabaho sa mga hotel, shopping mall, at iba pang matataong lugar kung saan kailangan ang serbisyo ng mga ito. Dahil dito, inanunsyo ng Russian tech company na handa silang magbayad ng $200,000 sa sinumang papayag na magamit ang kanilang mga mukha sa mga robot na gagawin ng kumpanya.

“Our company is developing technologies in the field of facial recognition, as well speech, autonomous navigation, artificial intelligence, and other areas of robotics,” saad ng isang Promobot press release na ibinahagi ng Daily Mail. “Since 2019, we have been actively manufacturing and supplying humanoid robots to the market. Our new clients want to launch a large-scale project, and as for this, they need to license a new robot appearance to avoid legal delays.”

tech company robot

Imahe mula sa Promobot

Ang tech company at ang mga kliyente nito ay pipili ng magiging mukha ng mga robot nito. Pagkatapos nito, ang makukuhang aplikante ay magkakaroon ng 3D model ng kanyang mukha para magamit bilang external features ng robot. Kasabay nito, bilang pagsunod sa nasa kontrata, magkakaroon din ang tech company ng rights sa boses ng kanilang modelo. Ayon dito, “the winner will also have to dictate at least 100 hours of speech material to create the robot’s voice.”

tech company robot

Imahe mula sa Promobot

Ikaw, ipagagamit mo ba ang iyong mukha at boses sa isang robot kung ang kapalit nito ay napakalaking halaga? Mukhang marami ang may sagot na oo dahil kinailangan na ng kumpanya na tumigil sa pagtanggap ng mga bagong application dahil sa dami ng gustong sumubok sa naiibang pagkakataon na ito.

Advertisement
Click to comment

Leave a Reply

Your email address will not be published. Required fields are marked *

technology

Smart Mirror na nagkakahalaga ng P85,000 ibinida ni Heart Evangelista

Published

on

By

Pangkaraniwan nang nakikita ang mga netizens na kumukuha ng selfie gamit ang kanilang smartphone sa harap ng isang salamin. Pero narinig n’yo na ba na may isang uri ng salamin na ito mismo ang kukuha ng selfie n’yo?

Meron nang ganyan. Ang Lulu Smart Mirror.

Isa ang aktres na si Heart Evangelista sa mga nagmamay-ari ng smart mirror. Sabi niya, iyon ay isang higanteng android phone na nagsisilbi ring “OOTD” mirror.

“Can you guys believe that I actually have a smart mirror at home? Meet Serena, @lulusmartmirror‘s latest smart technology  #OOTD mirror and features a 5MP camera. You can even download apps on it. It makes my life so much easier when I’m working at home or trying out new outfits for shoots and endorsements,” post niya sa Instagram.

“Php85k! Just wow”, “Omg. She’s serving tech and style”, at “Wow. I want to have one. Hihihi,” ang ilan lang sa mga komento ng followers niya.

Bukod kay Heart, si Cat Arambulo, na isa ring social media influencer, ay nagmamay-ari rin ng isang smart mirror.

Tatlong models ang maaaring pagpipilian sa Lulu Smart Mirror; ang Eve, Luna at Serena.

Ang Serena model kagaya ng kay Heart Evangelista ay 32”ang sukat.

“Serena 32″ would be your perfect buddy during your everyday exercise! It has no pre-installed fitness app but you may download any android fitness app that you want!,” ayon sa Facebook page ng Lulu Smart Mirror.

“Serena 32″ is technically an android tablet with real features of a mirror. It has a built in 5MP Camera and downloadable with any android apps that you love! This would be your perfect buddy during your workouts, meetings, classes or just having your OOTD selfie!” ayon pa rito.

Nagkakahalaga ito ng P85,000.

Ang Eve model na 32” rin ay nagkakahalaga naman ng P70,000.

Ang pinakamalaking model naman ay ang Luna na 43” ang sukat at P80,000 ang presyo ngayon mula sa dating P95,000.

 

Continue Reading

Social News

Gold fish, may kakayahang mag-navigate ng sasakyan, ayon sa pag-aaral

Published

on

By

Sa pagsasaliksik ng mga taga-Israel natuklasan na kayang mag-navigate at magmaneho ng goldfish sa lupa.

Sa pag-aaral na inilathala sa peer-reviewed journal Behavioral Brain Research, ang mga goldfish ay sinanay umanong gumamit ng isang may gulong na platform — ang FOV o ang ‘Fish Operated Vehicle’.

Ang FOV ay maaaring imaniobra at baguhin ang takbo nito bilang reaksyon sa mga galaw ng isda sa loob ng tangke ng tubig na nakakabit sa platform nito.

Imahe kuha mula sa video ng NBC News

“Surprisingly, it doesn’t take the fish a long time to learn how to drive the vehicle. They’re confused at first. They don’t know what’s going on but they’re very quick to realize that there is a correlation between their movement and the movement of the machine that they’re in,” sabi ng researcher na si Shachar Givon, ayon sa NBC News ,

Ang kanilang gawain ay “magmaneho” ng robotic na sasakyan patungo sa isang target na maaaring maobserbahan sa pamamagitan ng mga dingding ng tangke ng isda. Ang sasakyan ay nilagyan ng lidar, maikli para sa light detection at ranging, isang remote sensing na teknolohiya na gumagamit ng mga laser upang mangolekta ng data sa lokasyon nito sa lupa at lokasyon ng isda sa loob ng tangke.

Natuklasan ng mga mananaliksik, mula sa Ben-Gurion University, na nagawang ilipat ng isda ang FOV sa mga hindi pamilyar na kapaligiran habang naabot ang target “anuman ang kanilang panimulang punto, habang iniiwasan ang mga dead-end at itinatama ang mga kamalian sa lokasyon.”

Anim na isda na nakatanggap ng 10 driving lessons ang inilahok sa pag-aaral. Binibigyan sila ng pagkain kapag tama ang direksyon na kanilang target.

Screenshot sa video ng NBC News

Ang mga goldfish umano ang mas magaling magmaneho kaysa sa ibang isda.

“There were very good fish that were doing excellent and there were mediocre fish that showed control of the vehicle but were less proficient in driving it,” sabi ng biology professor at neuroscientist na si Ronen Segev.

Sa pag-aaral, kung saan naipapakita ang cognitive capability ng isang isda, kaya umanong palawakin ang kaalaman sa navigation skills ng mga hayop.

“We humans think of ourselves as very special and many think of fish as primitive but this is not correct,” ani Segev. “There are other very important and very smart creatures.”

Imahe mula sa Wikipedia

Ano nga ba ang mga kakayahan ng goldfish?

Marami sa atin ang nag-aalaga ng isda dahil makukulay sila at nakatutuwang panoorin, ngunit ang ilang mga goldfish ay nakakakita at nakatatanda nang sapat upang makilala ang mga tao.

Madalas nilang napapansin ang taong nagpapakain sa kanila araw-araw at natutuwa sila kapag nakita nila ang kanilang tagapangalaga. May mga kaso kung saan ang mga goldfish ay sinanay na gumawa ng mga trick tulad ng paglangoy sa mga maze, paglangoy sa mga hoop, o kahit na itulak ang isang bola sa isang lambat.

Panoorin ito:

Continue Reading

Social News

Lalaki sa China kulong matapos sunugin ang internet cable dahil sa ‘mabagal’ na connection

Published

on

By

Internet Cafe in China| Imahe mula sa Tech In Asia

Sa kalaboso ang bagsak ng isang lalaki sa China matapos niyang sunugin ang internet cable sa isang shop dahil sa diumano’y mabagal na connection.

Nagdulot kasi ng malubhang pinsala ang apoy kung saan natupok ang mahigit sa 4,000 kabahayan kabilang na ang isang public hospital.

Imahe mula sa Daily Mail| For Illustrative purposes only

Bukod dito, nawalan pa ng internet sa lugar na umabot ng 28 hanggang 50 oras.

Ayon sa record ng korte, nasa loob ng isang internet café sa Guangxi region ang naturang lalaki, na nakilala lamang sa pangalang Lan, nang madismaya ito at tuluyang magalit dahil sa sobrang bagal ng connection.

Dahil sa inis at pikon, binuksan nito ang isang public box kung saan nasa loob ang optical fibre network cables at sinilaban ang kahon.

Fiber optic cable box| Imahe mula sa Rainbowtech.net

Ayon sa ulat ng SCMP, gumamit si Lan ng isang lighter at napkin para simulan ang naturang apoy. Kaagad namang nahuli ng mga awtoridad ang lalaki matapos ang insidente.

“After the incident, public security officials seized Lan’s instrument of crime – a lighter,” ayon sa pahayag na inilabas ng korte nitong Lunes, Enero 10.

Nangyari umano ang insidente Hunyo noong nakaraang taon.

Internet cafe sa China| For illustrative purposes only

Dahil sa dulot na napakalaking pinsala, pinatawan si Lan ng pitong (7) taong pagkakakulong bilang parusa sa pagwasak sa “public telecommunications facilities”.

Inulan rin ng batikos si Lan sa Chinese social media dahil sa pangyayari. Isang Weibo user pa ang tinawag siyang ‘big baby’ o matandang iyakin.

Continue Reading

Trending