Connect with us

entertainment

Vice Ganda at co-hosts aminadong matagal nang bagsak ang “It’s Showtime”

Published

on

Puno ng pasasalamat ang puso ng mga hosts ng “It’s Showtime” dahil patuloy silang nakapagbibigay ng saya sa pamilyang Pilipino sa kabila ng mga pagsubok sa nagdaang buong taon.

Sa episode ng noontime show noong December 25 ay masayang binati ng “It’s Showtime family” ang madlang pipol ng isang maligayang, maligayang Pasko.

Screenshot from It’s Showtime

May natanggap mang regalo o wala, ang mahalaga raw sa pinakaespesyal na araw na iyon ay  ang magkasama-samang magkakasayahan bilang isang pamilya.

Kasunod ng masayang kantahan at sayawan ay nag-group hug pa ang mga hosts na pinangunahan ni Vice Ganda, Vhong Navarro at Kim Chiu. Kasama rin nila syempre sina Ion Perez, Tiyang Amy Perez, Ryan Bang, Jacky Gonzaga, Karylle, Teddy Corpuz, Jugs Jugueta at Ogie Alcasid.

Naging emosyonal ang mga hosts ng programa nang isa isa silang nagbigay ng Christmas message para sa isa’t isa at para sa mga tagapanood ng It’s Showtime.

Sabi nila, bagama’t bagsak at lugmok na ang It’s Showtime ay naniniwala sila na ginabayan pa rin sila ng Panginoon upang makapagbigay ng saya sa madlang pipol.

“Lord, salamat dahil maraming taon na lugmok ang Showtime pero andiyan ka para gabayan kami lahat. Nandyan ka para alalayan kaming lahat para malagpasan namin lahat ng pagsubok na ibibigay sa’min,” sambit ni Vhong Navarro.

“Kahit sobrang bigat ng pinagdadaanan natin, nada-divert natin kasi kailangan natin magpasaya,” pagbabahagi naman ni Kim Chiu.

Screenshot from It’s Showtime

“Umakyat tayo, bumaba tayo, umakyat tayo, bumaba pa rin tayo, umakyat pa rin tayo, pero sa lahat ng panahon na ‘yon, kasama pa rin natin si Lord,” sabi naman ni Tiyang Amy.

Sabi ni Vice Ganda, kahit nasa baba na sila ay magkakasama pa rin sila. Magiging mas mahirap daw ang pagiging lugmok ng show kung hindi sila magkakasama.

Dagdag pa niya, naa-appreciate nila ang pagiging nasa baba dahil alam daw nila na may plano si Lord para sa kanila.

Tanggap na raw nila ngayon na nasa baba sila at hindi na namamayagpag tulad noon.

“Alam natin for a time na nasa taas tayo. Pero hindi natin nababanggit na nasa baba tayo. Pero ngayon na-accept na natin. At ok lang pala ‘yun na ma-accept natin na nasa baba tayo. At ok na ma-accept na we feel so low but while feeling so low, our hearts become even bigger. And that makes us even taller. Ngayon natatanggap na natin, oo nga wala na ho kami sa itaas, nasa ibaba kami ngayon, but Lord, its ok for as long as we are together,” madamdaming wika ni Vice.

Screenshot from It’s Showtime

 

entertainment

Lolit Solis pinuri si Jugs Jugueta sa pagbibigay-linaw nito sa usaping ‘power tripping’ ni Vice sa “It’s Showtime”

Published

on

By

Pinuri ni Lolit Solis ang pagkomento ni Jugs Jugueta sa kanyang post tungkol sa diumano’y “power-tripping” ni Vice Ganda sa noontime program ng ABS-CBN na “It’s Showtime” kung saan ang mga host ng show daw ay  nagkakaproblema sa kanya.

Kamakailan ay nagpost si Lolit sa social media na may power tripping daw si Vice Ganda sa programang “It’s Showtime”, according sa kanilang source.

Aniya, “Medyo alarming Salve iyon mga balita na nagpa power tripping si Vice Ganda. Balita na parang siya na ang nagpapa takbo ng Showtime, siya na ang nasusunod sa lahat ng galawa ng programa. Marami pang horror story na kumakalat sa pagbabago daw ng ugali ni Vice Ganda, at parang marami narin mga tao ang nasasaktan sa mga ginagawa daw nito…”

Agad namang ipinagtanggol ang IS host ng kasamahan nito sa noontime show na si Jugs Jugueta sa pamamagitan ng pagkokomento sa nasabing IG post ni Manay Lolit.

“Hanap po kayo ng bago ninyong source na Maritess, Tita… MASAYANG MASAYA PO KAMI SA SHOWTIME NGAYON!!!! Peace be with you and happy new year!” 

Matapos basahin ang komento ni Jugs, nagpasalamat si Lolit sa pagtutuwid nito sa kanyang nakalap na tsika at sa pagbabahagi ng katotohanan. Sabi ng talent manager, sana lahat ng celebrity na naisusulat nila, tulad ni Jugs,  ay may oras para ituwid iyong mga nabasa nila.

Ibinahagi ni Lolit sa kanyang Instagram acount ang pag-appreciate at pasasalamat kay Jugs.

“Appreciate ko iyon comment ni Jugs sa IG post ko about Vice Ganda, Salve. Sabi niya, hindi totoo ang mga kumakalat na balita na marami ang discontented dahil sa mga nagaganap na power tripping sa Showtime,” saad ni Lolit.

Ipinahayag din niya ang kanyang kasiyahan na maayos naman pala ang lahat sa mga host ng Kapamilya show.

“Dapat talaga na maging maganda ang samahan nila dahil araw araw silang magkasama, dapat para na silang magkakapatid. Sana lahat ng celebrity tulad ni Jugs may oras para ituwid iyon nabasa nila, mas appreciate namin iyon. Puwede naman kasi na mali ang information na nakuha namin, at puwede naman itong ituwid. Thank you Jugs for your time. Appreciate much!”  dagdag pa niya.

 

Basahin: Jugs sinagot ang post ni Lolit Solis tungkol sa umano’y power tripping ni Vice sa ‘It’s Showtime’.

Continue Reading

entertainment

Baby Shark, ang unang video na umabot sa 10 billion views sa YouTube

Published

on

By

Gumawa ng kasaysayan ang video ng children song/dance craze na Baby Shark bilang kauna-unahang video na nagkaroon ng 10 billion views sa YouTube.

Mas marami pa ang views nito kaysa sa populasyon sa buong mundo na wala pang 8 billion.

“The catchy sing-along by Pinkfong was first uploaded in 2016, becoming the most viewed children’s music video on YouTube, before surpassing Luis Fonsi’s ‘Despacito’ in 2020 as the most viewed music video on YouTube and the most viewed video on YouTube overall,” ayon sa pahayag ng Guinness World Records.

Si Hope Segoine, na noon ay 10 years old pa lang, ang kumanta ng Baby Shark noong 2016. Umabot lang ito noon sa number 32 sa US Billboard Hot 100 at No. 38 naman sa Global 200.

Pero nag-viral ito sa Indonesia at South Korea at mabilis na kumalat ang popularidad sa buong Asya at iba pang bansa noong 2017.

Mas lalo pang naging sensational ang dance craze nang nagtanghal nito ang BlackPink.

Sinabi ng Guinness World Records na kung ang 10 billion views ng video ay panonoorin nang sunud-sunod ay aabutin ito ng 41,095 years para matapos.

Noong 2020 ay nalampasan ng Baby Shark ang YouTube views ng “Despacito.”

“We are delighted to announce that our beloved Baby Shark has recorded another remarkable milestone. It has been a truly meaningful journey to witness how Baby Shark has connected people around the world, and we can’t wait to introduce Baby Shark’s further adventures that will bring unparalleled experiences to even more fans everywhere,” ayon kay Min-seok Kim, ang CEO ng “Baby Shark” creator na The Pinkfong Co.

Kasunod na kasikatan ng Baby Shark, ginawan ito ng Nickelodeon ng TV series noong 2021 – ang “Baby Shark’s Big Show.” Nagkaroon din ito ng live tour noong 2019.

Kamakailan  lang ay inanunsyo ng Nickelodeon na gagawan nito ng pelikula ang Baby Shark.

Continue Reading

celebrities

P500K buwanang sustento ni Gretchen kay Claudine naudlot? “‘Di nasunod ang gusto ni Gretchen” – Ogie

Published

on

By

Nanghihinayang sina Ogie Diaz at ang kaniyang co-host na si Mama Loi sa sustento umano dapat ni Gretchen Barretto sa kaniyang kapatid na s Claudine na hindi na raw natuloy.

Sa kuwentuhan ng dalawang host  sa “Ogie Diaz Showbiz Update” nitong Miyerkules, Enero 19, napag-usapan nila ang tungkol sa magkapatid na Barretto.

Kabilang na rito ang  naging ‘hugot’ ni Claudine tungkol sa umano’y ‘panloloko at pandaraya’ sa kaniya ng mga taong itinuring niyang kaibigan at pinagkatiwalaan pa.

Napag-usapan rin nina Ogie at Mama Loi ang pagkandidato ng aktres bilang konsehal sa Olongapo City. Subalit ang mas naging interesting sa mga nanonood ay ang ‘tsika’ hinggil sa naudlot na sustento ni Gretchen sa kaniyang bunsong kapatid.

“Pangalawa mayroong nagtsika sa akin. Dapat pala itong si Claudine ay sinusuportahan na dapat ni Gretchen Barretto. Kaya lang medyo hindi nasunod ‘yung gustong mangyari ni Gretchen na para rin kay Claudine,” paglalahad ni Ogie.

“Kaya lang parang hindi yata ito nasunod ni Claudine at nasuway niya. So sayang ‘yung supposedly P500 thousand a month na supporta ni Gretchen kay Claudine,” patuloy pa ng talent manager.

Nilinaw rin ni Ogie na wala itong kinalaman sa pagiging magkasama nina Claudine at Marjorie noong New Year. Sa unang bahagi pa lamang raw ng 2021 niya narinig ang isyung binabanggit niya.

BASAHIN: Claudine at Marjorie, present sa New Year celebration ng Barretto family, nagkabati na nga ba?

“Kung hindi siguro tumakbo si Claudine, eh malamang nasuportahan siya ni Gretchen ng P500,000 a month,” ayon pa sa showbiz writer/host.

‘’Yung ‘diretso’ lang ang buhay… ‘yun ang narinig natin, ha?” dagdag pa ni Ogie.

Iginiit din ni Ogie Diaz na maaayos pa rin naman ang relasyon ng magkapatid at ‘love’ naman nila ang isa’t-isa.

Kaya lang daw sa ‘checklist’ ni Gretchen na gustong mangyari kay Claudine, mayroong hindi raw nagawa ang huli.

Hindi naman na isiniwalat ni Ogie ang ‘kondisyong’ hinihingi ni Gretchen.

Panoorin ang buong episode ng “Ogie Diaz Showbiz Update”:

Continue Reading

Trending