Connect with us

entertainment

Viral post ni Alodia Gosiengfiao, patama kaya kay Wil Dasovich?

Published

on

Maraming pinahanga ang gaming content creator at cosplayer na si Alodia Gosiengfiao sa larawan niya na in-upload sa social media nitong January 13.

Suot niya ang kulay gold na gown na inspired ng karakter sa League of Legends na si “Leona” habang bumababa sa isang hagdan.  Ang designer na si Mara Chua umano ang gumawa ng maganda niyang kasuotan.

Image from Alodia Gosiengfiao

Iyon daw ang inihanda niya para sa nakaraang Arcane red-carpet event.

Bukod sa kaakit-akit niyang ganda ay pumukaw sa mga netizens ang caption na inilagay niya sa kanyang post na agad nag-viral.

“Hi. Ako nga pala ‘yung sinayang mo. Day breaks upon the battlefield! Leona (League of Legends). What I prepared for the Arcane Red Carpet last time.”

 Naniniwala ang mga social media followers ni Alodia na patama ang post niya sa dati niyang boyfriend na si Wil Dasovich.

Kabilang sa mga nag-comment ay ang kapatid ni Alodia na si Ashley.

“Tag ko na ba?” aniya.

Nag-reply si Wil sa comment ni Ashley ng  “’Wag na, nagbo-blow-up na phone ko. Alam ko na. Naku po.”

Agad ding binura ni Wil ang comment niya pero nakunan iyon ng screenshot ng isang netizen.

“Ashley Gosiengfiao, bakit wala na haha,” comment ng isang netizen kasama ang screenshot ng komento ni Wil.

Screenshot from the comment section of Alodia’s post

Umabot sa mahigit 12,000 ang nag-comment sa simpleng post ni Alodia. Nai-share din iyon ng mahigit 6,000 at over 265,000 reactions na love at like.

Narito ang iba pang komento mula sa tagasubaysay ni Alodia:

“Sayang nga.”

“Kuya Wil, sinayang mo pa ‘to oh.”

“Bwisit ka Wil. Sinayang mo Queen A namin. Maglaway ka ngayon.”

“Hays, pag si Alodia nag-post may K talaga sabihin “Hi, ako nga pala ang sinayang mo.” Pag ako ganito lang, “Hi, ako pala ang sinaing mo. Lol.”

Si Alodia at si Wil ay matagal ding naging magkasintahan subalit noong nakaraang taon ay naghiwalay na ng landas ang dalawa.

Image from Wil Dasovich;s Instagram account

celebrities

Sen. Bong Revilla, dasal din ang hiling para kay Kris Aquino

Published

on

By

Panalangin din ang hiling at alay ni Senador Ramon ‘Bong’ Revilla para sa kumare niyang si Kris Aquino na dumaraan sa matinding pagsubok ngayon dahil sa estado ng kaniyang kalusugan.

Ani Bong, sana ay huwag nating hayaang mamayani ang ‘negativity’ ngayong nahaharap lahat sa matinding hamon ng pandemya.

“Sa panahong ito na dumaranas tayo ng ating kanya-kanyang pagsubok, napakahalaga po ng pakikipagkapwa-tao at pagmamalasakit sa isa’t isa,” wika ni Bong na abala ngayon sa pagpo-promote ng ‘Agimat ng Agila: Season 2’

BASAHIN: Bong Revilla, muling lilipad sa Agimat ng Agila Book 2

“We should not allow negativity to dictate our actions. We must let our compassion and humanity prevail,” dagdag pa ng senador.

Kung magugunita, si Bong Revilla ay nakulong dahil sa alegasyon ng kurapsyon na may kinalaman sa kaniyang ‘pork barrel’ noong panahon ng adminstrasyon ni Noynoy Aquino, ang kapatid ni Kris.

Subalit mistulang isinasantabi naman ng actor-politician ang usaping may kinalaman sa pulitika.

“Kaya naman nananawagan po ako sa lahat na ipagdasal po ang kalagayan ng aking kumare na si Kris Aquino, na nagdadaan ngayon sa matinding pagsubok sa kanyang kalusugan – huwag na bilang isang celebrity; o isang political figure; kundi bilang isang kapwa tao na nakikipaglaban sa karamdaman,” anito.

“Get well soon Kris. Our prayers are with you,” ayon pa sa mambabatas.

kris

Maliban kay Bong, marami pang celebrities at kilalang personalidad ang nagpaabot ng kanilang suporta sa tinaguriang ‘Queen of all Media’ dahil sa pinagdaraanan nitong hamon sa kaniyang kalusugan at personal na buhay.

Kabilang na rito sina Pokwang, Senador Kiko Pangilinan, Melai Cantiveros, at Robin Padilla.

BASAHIN: Robin: ‘Maging ano man ang kulay natin sa pulitika, kailangan natin si Kris’

Continue Reading

celebrities

Mariel inaming nagselos noon sa ‘bath tub scene’ nina Robin at Kris

Published

on

By

Inamin ni Mariel Padilla na nagselos siya noon sa isang eksena ng kaniyang mister na si Robin at ni Kris Aquino.

Ito ay matapos usisain ng netizens ang TV host-actress kung sino sa mga dating leading lady ni Robin ang kaniyang pinagseselosan.

“Not Ate Kris but the scene!!!” paglilinaw ni Mariel sa kaniyang Instagram stories na may kalakip pang larawan na magkasama ang kaniyang asawa at si Kris.

Pag-amin ni Mariel, immature pa siya noon kaya nahihiya siya sa kaniyang naging reaksyon.

“Kasi may love scene tapos may mga bath tub scene… tapos naka-diet ako tapos immature ako. Tapos nakakahiya kasi nag-react ako,” dugtong nito.

Sa tanong naman kung nagsisisi ba siya sa kaniyang pagseselos noon sa naturang eksena, sagot ni Mariel ay oo daw.

Aniya, “Do I regret it? Yes! Btw, love ate Kris to the max!!!”

Ayon sa Bandera, ang tinutukoy marahil na eksena ni Mariel ay sa Kapamilya teleserye na “Kailangan Ko’y Ikaw” kung saan nakasama ng dalawa si Anne Curtis.

Bago pa ang pag-aming ito ni Mariel, nag-alay ng panalangin si Robin para sa paggaling ni Kris Aquino.

BASAHIN: Robin: ‘Maging ano man ang kulay natin sa pulitika, kailangan natin si Kris’

Sa isang Facebook post nitong Martes, sinabi ni Robin na mahal na mahal nila ni Mariel si Kris bilang isang kaibigan.

Nalulungkot umano siya sa mga lumabas na masasamang balita tungkol sa actress-TV host sapagka’t hindi ito makatutulong sa kalusugan ng huli.

Dahil dito, nag-alay ng dasal ang aktor para sa kapatid ng yumaong Pangulong Noynoy Aquino.

“Ang aking salmo ay mabigyan ng pahinga ang kaisipan at damdamin ni Ms. Kris para siya ay makabawi at makabalik sa kanyang lakas,” wika ni Robin.

“Maging ano man ang kulay natin sa pulitika, kailangan natin si Ms. Kris,” dagdag pa ng binansagang ‘Bad Boy’ ng pelikulang Pilipino.

Continue Reading

celebrities

Vice Ganda may ‘power’ na magdesisyon para sa ‘It’s Showtime’?

Published

on

By

May ‘say’ umano si Vice Ganda sa mga desisyong ginagawa sa kanilang noontime show na ‘It’s Showtime’, ito ang ibinahagi ni Ogie Diaz.

Ani Ogie, may nakapagsabi sa kaniyang isang source na isa si Vice Ganda sa kinukonsulta o pinagkukunan ng desisyon kapag may bagong programa o segment silang ipapasok sa ‘It’s Showtime’.

“Actually ang alam ko, e, binigyan ng power si Vice na magdesisyon para sa show or magkonsulta sa kanya ang mga staff,” kuwento ng talent manager sa kaniyang co-host na si Mama Loi sa kanilang ‘Ogie Diaz Showbiz Update’.

Pakli naman ni Mama Loi, lumalabas na parang ‘creative consultant’ ng programa si Vice Ganda. Subalit ayon naman kay Ogie, BUH o ‘business unit head’ ang dating nito sa kaniya.

Sang-ayon naman dito si Ogie. Aniya, mas nakakahiya umano kapag ang kukunsultahin ay isang wala pa namang napatunayan sa showbiz.

“Nakakahiya naman kung kukunsulta ka sa hindi naman panalo sa show, so, siyempre doon ka kokonsulta sa tao na una tinitingala sa show, pangalawa, ‘yung source of energy ng show pinaghuhugutan nila,” paliwanag ng showbiz writer.

“Kasi sa totoo lang matalino naman ‘yang baklang ‘yan! In fairness to him kapag sa meeting-meeting ang dami niyang baon, doon niya naibubuhos,” dagdag pa ni Ogie.

Napag-usapan nina Ogie at Mama Loi si Vice Ganda matapos sabihin ni Lolit Solis na nagpa-power tripping umano ang sikat na komedyante sa ‘It’s Showtime’. Dahil dito nagparinig si Vice tungkol sa hindi magandang ginagawa raw ng mga ‘Marites’ na tila ang pinatatamaan ay si Lolit.

BASAHIN: Jugs sinagot ang post ni Lolit Solis tungkol sa umano’y power tripping ni Vice sa ‘It’s Showtime’

Subalit para kina Ogie, maaaring concerned lamang si Vice sa kanilang show kaya nasaktan ito sa sinabi ni Lolit. Wika pa ng dalawa, nagmamalasakit lamang ang comedian-host kaya iniisip nito ang lahat ng makabubuti sa kanilang programa.

Panoorin ang buong talakayan nina Ogie Diaz at Mama Loi sa ‘Ogie Diaz Showbiz Update’ vlog:

Continue Reading

Trending