Connect with us

Social News

Gold fish, may kakayahang mag-navigate ng sasakyan, ayon sa pag-aaral

Published

on

Sa pagsasaliksik ng mga taga-Israel natuklasan na kayang mag-navigate at magmaneho ng goldfish sa lupa.

Sa pag-aaral na inilathala sa peer-reviewed journal Behavioral Brain Research, ang mga goldfish ay sinanay umanong gumamit ng isang may gulong na platform — ang FOV o ang ‘Fish Operated Vehicle’.

Ang FOV ay maaaring imaniobra at baguhin ang takbo nito bilang reaksyon sa mga galaw ng isda sa loob ng tangke ng tubig na nakakabit sa platform nito.

Imahe kuha mula sa video ng NBC News

“Surprisingly, it doesn’t take the fish a long time to learn how to drive the vehicle. They’re confused at first. They don’t know what’s going on but they’re very quick to realize that there is a correlation between their movement and the movement of the machine that they’re in,” sabi ng researcher na si Shachar Givon, ayon sa NBC News ,

Ang kanilang gawain ay “magmaneho” ng robotic na sasakyan patungo sa isang target na maaaring maobserbahan sa pamamagitan ng mga dingding ng tangke ng isda. Ang sasakyan ay nilagyan ng lidar, maikli para sa light detection at ranging, isang remote sensing na teknolohiya na gumagamit ng mga laser upang mangolekta ng data sa lokasyon nito sa lupa at lokasyon ng isda sa loob ng tangke.

Natuklasan ng mga mananaliksik, mula sa Ben-Gurion University, na nagawang ilipat ng isda ang FOV sa mga hindi pamilyar na kapaligiran habang naabot ang target “anuman ang kanilang panimulang punto, habang iniiwasan ang mga dead-end at itinatama ang mga kamalian sa lokasyon.”

Anim na isda na nakatanggap ng 10 driving lessons ang inilahok sa pag-aaral. Binibigyan sila ng pagkain kapag tama ang direksyon na kanilang target.

Screenshot sa video ng NBC News

Ang mga goldfish umano ang mas magaling magmaneho kaysa sa ibang isda.

“There were very good fish that were doing excellent and there were mediocre fish that showed control of the vehicle but were less proficient in driving it,” sabi ng biology professor at neuroscientist na si Ronen Segev.

Sa pag-aaral, kung saan naipapakita ang cognitive capability ng isang isda, kaya umanong palawakin ang kaalaman sa navigation skills ng mga hayop.

“We humans think of ourselves as very special and many think of fish as primitive but this is not correct,” ani Segev. “There are other very important and very smart creatures.”

Imahe mula sa Wikipedia

Ano nga ba ang mga kakayahan ng goldfish?

Marami sa atin ang nag-aalaga ng isda dahil makukulay sila at nakatutuwang panoorin, ngunit ang ilang mga goldfish ay nakakakita at nakatatanda nang sapat upang makilala ang mga tao.

Madalas nilang napapansin ang taong nagpapakain sa kanila araw-araw at natutuwa sila kapag nakita nila ang kanilang tagapangalaga. May mga kaso kung saan ang mga goldfish ay sinanay na gumawa ng mga trick tulad ng paglangoy sa mga maze, paglangoy sa mga hoop, o kahit na itulak ang isang bola sa isang lambat.

Panoorin ito:

celebrity

Otin G ido-donate sa charity ang kaniyang kinita sa TikTok Live

Published

on

By

Ibabahagi ni AC Soriano sa Home for the Golden Gays ang kaniyang buong kinita sa libreng online concert noong Enero 20 na kasabay ng 20th Anniversary concert ni Toni Gonzaga sa Smart Araneta Coliseum.

SI AC Soriano ay mas kilala rin bilang si Otin Gonzaga-Soriano at impersonator ni Toni.

Ayon sa kaniyang tweet noong isang araw, nito lang nang malaman niya na may stickers pala sa TikTok Live at ibig sabihin ay may kinita ang kaniyang online concert.

“Hello! medyo later ko na na-realize na may stickers nga pala sa tiktok live at may halaga pala yun!” wika ni Otin.

Dahil dito, dodoblehin niya umano ang naturang halaga at ibibigay sa Home for the Golden Gays; ang tahanang kumukupkop at nag-aaruga sa mga may edad nang miyembro ng LGBTQ community.

“Ang gagawin ko na lang, I will double the amount, and we’ll donate the whole amount sa home for the golden gays!” dagdag pa nito.

Magugunitang tinapatan ng ‘I Am Otin’ ni Otin G. ang Araneta concert ni Toni na ‘I Am Toni’.

Nag-trending ito sa Twitter at humamig rin ng mahigit 25,000 views at mahigit 5 million likes sa TikTok Live.

Magkakasabay na trending topic noon ang hashtags na #Araneta, #IAmOtin at #PaalamToniGonzaga.

Kabilang sa kaniyang mga special guests ay ang mga kaibigan at social media personalities na sina Sassa Gurl, Jun Salarzon, at Toniyuh habang ang buong pamagat naman ng kaniyang concert ay “I Am Otin,” the 20th Anniversary Dogshow.

Samantala, ang kabuuang kinita ni Otin ay umabot sa $207.60 o mahigit P11,000 kaya aabot sa P22,000 ang kaniyang maido-donate sa ‘Home for the Golden Gays’.

Continue Reading

Inspiring

‘De ruler?’ Estudyante na sunod sunod na uno ang mga marka, hinangaan ng mga netizens

Published

on

By

Isang kahanga-hangang estudyante na may kursong Information Technology ang nagbahagi ng kanyang mga grades tampok ang sunod-sunod nitong uno. Parang ni-ruler ano?

“For the third time-one and only ones. Your glory is eternal,” aniya sa kanyang caption.

“Matamis po pala talaga ang resulta ng >5 hours na tulog every night. Sleep Acads. College arc is indeed not an easy story to finish with a straightforward plot, especially now na face-to-face ang setup ng classes.”

“And so, I am truly grateful to the people who shared their worlds with me for this success. Salamat po. Really. These numbers are not mere digits, but souvenirs of our hardships and hidden battles.”

Kuwento ni Axl Louis Coronel sa ‘Pilipino Star Ngayon Digital,’ “Noong una, akala rin po namin pindot-pindot lang sa course na IT. Pero iba po pala talaga kapag nagbago perspective mo sa course mo, because you will learn to genuinely pursue it and be passionate about that pursuit.”

“While on that goal, I realized na this process made me surpass my limits while having fun. Once you have visualized the road’s finish line, it’s really, really important to enjoy and savor the detours and rests along the way,” dagdag pa niya

Payo naman ni Axl sa mga estudyante, “Grind hard sa acads. Play hard sa hobbies. Rest hard every night.”

Marami namang netizens ang napahanga ni Axl. Dahil dito ay isa siya sa mga inspirasyon ng maraming estudyante.

“May tulog man or wala kung genius ka lalabas at lalabas talaga ‘yan. Genes and guidance din ng family important factors din ito na dapat i-consider.”

“Next sem mas gagalingan ko pa! Nakaka-inspire, grabe.”

“Congratulations Never Stop Learning and Continue Upgrading your Knowledge and Skills.”

“Congrats Axl. Ang husay mo talaga. Ipagpatuloy mo lang kasama mo ang Diyos.”

Continue Reading

Nostalgia

Krayolang pinangarap ng marami noon pero bihira lang ang mayroon, nagpabalik sa nakaraan

Published

on

By

Coloring books ang isa sa mga nagpasaya sa mga bata noong araw; mga panahong wala pang gadgets. Kung wala kang coloring book, maaari kang gumuhit ng mga larawan at saka mo ito kukulayan.

Siyempre, para malagyan ng kulay at mabigyan ng buhay ang mga larawan, kailangan mo ng pangkulay gaya ng krayola. At kung marami kang krayola (crayons), aba, masayang-masaya ka na at kinaiinggitan pa ng mga kaklase kaya’t hinihiraman ka tuwing may project.

Kaya naman isang Facebook post ang pumukaw sa netizens tungkol sa pinangarap nilang krayola o pangkulay noong kanilang kabataan.

Pagbabahagi ni ka-NP Ben Totanes sa Nostalgia Philippines, “16 colors lang sa akin noon… lol”

Sinegundahan naman siya ng mga miyembro ng FB group na nagsiaming pinangarap din nila ang krayolang 64 piraso ang laman na may pantasa pang kasama sa likod ng sisidlan.

Karamihan ay walong kulay lamang ang naabot at 16 naman sa iba. Isa talagang malaking pangarap para sa mga bata noon ang magkaroon ng “64 different brilliant colors’ na iyan! At kung may coloring books ka rin noon, maaalala mo rin siguro ang mga kaklaseng sabik na makikulay sa iyong CB. “Pa-color naman!”

8 colors lng yung sa akin dati. Rich kid lng ang may ganyan.”

“Rich kid ka kapag crayon mo ay ganito noon, Sa akin nga eh hanggang 8 colors lang, taz tipid na tipid pa sa pag gamit.”

“Pag ganito crayola mo pwede ka na tumakbong president sa klase.”

“Pangarap ko yan noong bata pa ako. Isa yan sa mga palatandaan ng rich kid.”

“Haha nagkaroon ako iyan ng elementary dhil gusto ng parents ko kumpleto ako sa gamit ko dhil lalo na teacher ang mother ko kya alam nya ang bagay na wala sa gmit. Kaso ang ang aking pinapaboritong crayola napaginteresan Kya ayon na wala o ninakaw my pantasa ksi sya sa likod.”

“Gang 16 lang kmi nun happy na.”

“Pang RK (rich kid) 🤣🤣 classmate ko nung grade 3 may ganyan siyaa kasi nasa abroad father niya at siyaa lang may ganyan samin nun.”

“Hanggang 48 colors lang ako noon hehe. Pero one time, noong nagtuturo na ako, bumili ako ng 64 colors na Crayola 🤣 Wala lang, trip ko lang. Nakaka-high ang amoy sa akin 🤣

“Rich kid ang may ganyan!”

Sa totoo lang, hanggang ngayon naman ay marami pa rin ang hindi nakakayang makabili ng krayola gaya ng estudyanteng nag-viral kamakailan na binigyan ng guro ng 16 colors na Crayola para sa kaniyang pag-aaral.

Continue Reading

Trending