Connect with us

News

Mayor Vico may pasaring sa Vice Mayor: “Bago tayo mamulitika, magtrabaho muna”

Published

on

Imahe mula sa Facebook

Pinasaringan ni Pasig City Mayor Vico Sotto ang kaniyang Vice Mayor dahil diumano sa ‘pamumulitika’ at ‘hindi pagganap’ sa kaniyang sinumpaang tungkulin bilang isang halal na opisyal ng lungsod.

Sa kaniyang talumpati sa ginanap na flag ceremony nitong Lunes, Enero 10, sinabi ni Mayor Vico na napipilitan siyang ilabas sa publiko ang kaniyang saloobin tungkol kay Vice Mayor Iyo Bernardo dahil hindi naman daw ito sumasagot sa kaniyang mga tawag at text.

Imahe mula sa Facebook| Mayor Vico Sotto

Nitong mga nagdaang araw, mababasa sa Facebook post ni Bernardo ang ilang pagpuna sa diumano’y ‘palpak’ na kalakaran sa lungsod. Kabilang na rito ang compilation video ng mga reklamo raw ng mga Pasiguenos laban sa kasalukuyang administrasyon.

“Sana bago tayo mag-usap tungkol sa pulitika, bago tayo mamulitika, magtrabaho muna tayo…tuloy-tuloy po sana tayo sa trabaho natin,” ayon sa 32-anyos na alkalde.

Screenshot mula sa Facebook| VM Iyo Bernardo

“Kung nakakausap ko lang po si Vice Iyo, kung sumasagot ba naman sana sa mga tawag at text ko, eh di sana, hindi ko kailangan sabihin in public. Pero wala naman po akong choice kasi hindi naman po sumasagot sa akin,” wika pa nito.

Iginiit din ni Mayor Vico na wala namang masama sa pagpuna sa gobyerno at tinatanggap naman niya ang mga ito.

“Hindi po masama ang magbigay-puna, hindi po masama ang magreklamo dahil bilang mamamayan, Karapatan po natin ‘yan,” anito.

Ikinumpara rin ng punong-lungsod ang kanyang panunungkulan sa nagdaang administrasyon kung saan takot umano ang mga tao na pumuna o magreklamo laban sa gobyerno.

Mayor Vico Sotto| Imahe mula sa Facebook

“Si Vice Mayor Iyo hindi naman nagsalita ‘yan ng ilang years. Six years na vice mayor hindi nagsalita ng hindi maganda ‘yan,” wika pa ng alkalde.

Muling iginiit ni Mayor Vico na walang masama kung mamuna, pero bilang mga halal ng bayan umano, kailangang magtrabaho muna.

“Anong karapatan nating mamuna kung ‘yung pormal na tungkulin natin ay hindi na nagagampanan,” patuloy ng alkalde.

Imahe mula sa Facebook| VM Bernardo

Batay sa ulat ng ABS-CBN News, sinabi umano ni Mayor Vico na nabigong makadalo si Bernardo sa formal turnover ng 2022 budget ordinance ng lungsod at hindi rin sumali sa City Development Council kung saan nakaupo pa naman siya bilang panel member.

Mga 3 o 4 na beses raw siyang nag-text sa vice mayor para i-present ang 2022 budget bilang courtesy kay Bernardo subalit wala siyang natanggap na sagot mula rito.

Si Bernardo ang makakalaban ni Sotto sa darating na eleksiyon kung saan tumatakbo muli ang huli para sa kaniyang pangalawang termino bilang alkalde ng Pasig City.

Advertisement
Click to comment

Leave a Reply

Your email address will not be published.

government

Rekomendasyong kasuhan sina Sec. Duque at ex-FDA chief Domingo, binawi ng Kamara

Published

on

By

Ilang oras lamang matapos isapubliko ang committee report na nagrerekomendang sampahan ng reklamo sina Health Secretary Francisco Duque III at dating FDA chief Dr. Eric Domingo dahil umano sa kapalpakan ng mga ito sa pagtugon sa pandemiya, binawi naman agad ito ng Kamara.

Nitong Miyerkules, Enero 26, ay inilabas ang Committee Report No. 1393 na may petsang December 16, 2021 na nagmumungkahing kasuhan sina Duque at Domingo dahil sa paglabag sa Republic Act No 6713 o ang “Code of Conduct and Ethical Standards for Public Officials and Employees,” at sa “Anti-Red Tape Act of 2007”.

Ang dalawang opisyal umano ay dapat ksauhan dahil sa kanilang “failure to render government services such as approval of applications for automatic renewal within prescribed time.”

Kinuwestiyon din ng report ang magkakasalungat na pahayag ng DOH at FDA hinggil sa Ivermectin bilang gamot sa COVID, pagiging ‘bias’ pabor sa Philippine Society for Microbiology and Infectious Diseases, Inc. (PSMID), at backlogs sa mga aplikasyon sa License to Operate and Certificate of Product Registration.

Ang committee report ay nagmula sa House Committee on Good Government and Public Accountability chairperson na pinamumunuan ni DIWA party-list Rep. Michael Edgar Aglipay.

Nagkamali kaya binawi?

Subalit nitong Miyerkules din ay binawi rin ito ng Mababang Kapulungan dahil hindi pa raw tapos ang kanilang pagdinig tungkol sa nasabing usapin.

“The House of Representatives has always followed the rule of law. And in the constitution enshrined the principle of due process. The resource persons remain such and cannot be respondents unless he was able to attend all hearings and defend himself,” paliwanag ni Aglipay sa mensaheng ipinadala sa mga mamamahayag.

“So with this, the committee will conduct further hearings or get the side of Secretary Duque since he was not able to attend those hearings. Then and only then we will be able to get the full picture,” dagdag pa ng kongresista.

Inamin rin ni Aglipay na nagkamali sila dahil absent umano sa mga pagdinig si Duque at inakala nilang ini-waive ng kalihim ang kaniyang karapatang marinig sa Kongreso.

Continue Reading

Money

Poe umalma sa advisory ng BSP hinggil sa pekeng pera mula sa mga ATM: ‘Di obligasyon ng depositors’

Published

on

By

Hindi sang-ayon si Senador Grace Poe sa paalala ng Bangko Sentral ng Pilipinas (BSP) na dapat ay suriing maigi ng publiko ang mga perang lumalabas sa mga ATM.

Para kay Poe, hindi na obligasyon ng mga depositors na siyasatin muna ang perang nakukuha nila ATM upang malaman kung tunay ito o peke.

“The burden of distinguishing counterfeit bills emanating from banks from genuine ones should not be placed on depositors. ATMs dispensing fake bills is unacceptable and must have no place in the banking system,” anang senadora sa isang pahayag.

Ginawa ito ng mambabatas matapos maglabas ng advisory ang BSP na nagpapaalala sa mga depositors na maging mapanuri sa mga perang nawi-withdraw nila sa ATM upang ‘wag malusutan ng pekeng salapi.

“The BSP reminds the public to regularly inspect banknotes for authenticity through the ‘feel, look, tilt’ approach to protect oneself against counterfeiting. Should a banknote dispensed by an ATM be suspected as a counterfeit, the holder is advised to immediately report it to the bank that owns the machine,” ayon sa advisory ng BSP.

Subalit, giit ni Poe, responsibilidad ito ng mga bangko kaya kailangang tiyakin na mayroon silang state-of the art defenses upang maiwasan ang mga ganitong bagay at para na rin sa seguridad ng kanilang banking system.

“It is our financial institutions that carry the responsibility to steadfastly guard against vulnerabilities and keenly upgrade their systems amidst the changing times to keep our people’s unflinching trust in the banking industry,” dagdag ng mambabatas.

Sa ilalim ng Republic Act 10951, ang sinumang mahuhuli at mapatutunayang namemeke ng pera ay mapapatawan ng parusang pagkakakulong ng hanggang 12 taon at multang hindi lalampas sa P12-milyon.

Continue Reading

government

Iba pang frequency ng ABS-CBN napunta rin sa SMNI ni Quiboloy, Aliw Broadcasting

Published

on

By

Bukod sa kompanya ni Manny Villar, nakakuha rin ng dating frequency ng ABS-CBN ang Sonshine Media Network International (SMNI) na pag-aari ni Pastor Apollo Quiboloy.

Sa pahayag nitong Miyerkules, kinumpirma ng National Telecommunications Commission (NTC) na naibigay sa Swara Sug Media Corp., ang kompanyang namamahala ng SMNI, ang Channel 43.

Ang Channel 43 ay dating naka-assign sa Amcara Broadcasting Network, ang block timer ng ABS-CBN para ipalabas ang programa sa kanilang set-top box TV Plus o ‘black box’.

Paliwanag ng NTC, ang SMNI ni Quiboloy ang pangatlong aplikante na naghahanap ng provisional authority (PA) para sa kanilang digital media broadcasting system simula pa noong 2007.

Ang kontrobersiyal na pastor ay kilalang malapit kay Pangulong Rodrigo Duterte.  Ang SMNI ay kasalukuyang umeere sa UHF Channel 40.

Samantala, ang Channel 23 ay ibinigay naman ng NTC sa Aliw Broadcasting Corp, ang kompanyang nagpapatakbo sa radio stations na DWIZ AM at Home Radio FM.

Sa Channel 23 napanonood dati ang Studio 23 ng ABS-CBN at ang kanilang programang Sports+Action.

“Aliw was the second applicant for an authority to install, operate and maintain a digital TV in Metro Manila.  Aliw was granted the PA after the determination of its legal, technical and financial qualification,” paliwanag ng NTC.

Nauna nang kinumpirma ng NTC na ibinigay sa AMBS (Advanced Media Broadcasting System Inc.) ni Manny Villar ang Channel 2 at Channel 16 frequency na dating ginagamit ng ABS-CBN.

BASAHIN: Dating frequencies ng ABS-CBN hawak na ng kompanya ni Manny Villar

“After the technical evaluation of AMBS’ request for a simulcast channel, Channel 2 (the paired analog channel in Mega Manila of digital channel 16) was temporarily assigned to AMBS. This temporary assignment is for simulcast purposes only, and only until the analog shut-off scheduled in 2023,” pahayag ng NTC,” pahayag ng NTC.

Ang ABS-CBN ng pamilya Lopez ay nabigong makakuha ng panibagong 25-taong prangkisa matapos itong ibasura ng Kamara noong Hulyo 2020.

Continue Reading

Trending