Connect with us

Health

Dahon ng tanglad nakapagpapalakas ng resistensya

Published

on

Sa paningin ng iba ang halamang tanglad ay pangkaraniwang damo lamang. Ngunit alam mo bang espesyal ang damong ito?

Ano ang tanglad o lemon grass?

Ang tanglad ay isang mabangong damo na karaniwang ginagamit na pantanggal sa lansa ng mga pagkain. Kilala rin ito bilang sangkap sa paggawa ng tsaa. Ang mga dahon nito’y pahaba at napalilibutan ng maliliit na tusok-tusok. Orihinal na nagmula ang halaman sa bansang Sri Lanka, India at isla ng Java, ngunit ito’y karaniwan na ring pananim sa mga taniman sa Pilipinas.

Popular ang halamang ito sa rehiyon ng Southeast Asia dahil sa iba-ibang gamit nito. Ginagamit mang pampabango at pampasarap sa pagkain ang tanglad, mahalagang malaman din natin na pinalulusog din nito ang mga kumakain. Ito ay ayon sa mga pag-aaral sa halamang ito na may scientific name na Cymbopogon citratus at kilala rin bilang lemongrass.

Tradisyunal sa mga pinoy na gumamit ng tanglad bilang sahog sa pagluluto dahil sa taglay nitong bango at pampalasa. Ang puting bahagi ang kadalasang hinihiwa nang pino at hinahalo sa lutuin dahil malambot ito kumpara sa berdeng parte.

Karamihan sa mga nagluluto ay sinasahog ang buong bungkos ng tanglad para tumingkad pa ang lasa ng  iba’t ibang putahe.

Ngunit may benepisyo rin palang hatid sa atin ang dahon ng tanglad at hindi lang basta pampagana sa ating pagkain.

Katulad ng kalamansi, luya at iba pang mga halamang gamot, ang tanglad ay nagbibigay resistensya din pala para sa ating pangangatawan.

Ngayong 2022 mas patibayin at palakasin pa natin ang ating resistensya laban sa mga sakit at virus na kumakalat.

Sa programang KMJS o Kapuso Mo, Jessica Soho (One at Heart, Jessica Soho) ay ibinahagi ni  Annie ang benepisyo ng tanglad. Si Annie Rose Cane ng Bayugan City, Agusan del Sur,  ay may mahigit 2.5 hektarya na taniman ng tanglad.

“Ang intensyon po namin noong una for food seasoning lang po, tapos ayun may bumalik sa amin na bibili nun,” sabi ni Annie

Ang purpose lamang talaga nila daw ay pansahog lamang ang mga tanglad nila hanggang sa lumaon ay naisip nila na puwede pala itong gawing tsaa.

Kada tatlong buwan ay kanila itong inaani at inilalagay sa distiller upang makuha ang katas nito at ginagawang tanglad juice.

Ang kanilang inaaning tanglad o lemongrass ay kanilang kinukuhanan ng katas o hydrosol at ginagawang inumin.

“Pag-inuubo po ako o sinisipon o kahit po lagnat iniinom ko po ang tubig ng tanglad pampawala ng sakit ko,” aniya.

Kapag nagkakasakit umano siya tulad ng ubo o sipon, ang tubig na pinaglagaan ng tanglad daw ang kaniyang iniinom at gumiginhawa na ang kaniyang pakiramdam.

At kahit sa bahay, maaaring makagawa ng tanglad juice sa pamamagitan ng pagpapakulo ng dahon nito. Pero hindi dapat patagalin ang pagpapakulo upang hindi mawala ang nutrients ng halaman.

Ayon kay Algy Bacla, certified naturopathic practitioner, “70 hanggang 80 percent ng essential oil na galing sa tanglad ay may citral.”

Batay umano sa mga pag-aaral, ang citral ay maraming benepisyo tulad ng pag-prevent ng impeksyon, ng mga bacteria, nagpapalakas ito ng lungs at immune system.

Paglilinaw ng mga eksperto,  ang tanglad ay hindi gamot sa Covid-19 pero nakatutulong ito sa pagpapalakas sa resistensiya ng katawan na mahalaga lalo na sa panahong ito ng pandemya.

Ano ang mga sustansya at kemikal na maaaring makuha sa Tanglad?

Ang iba’t ibang bahagi ng halamang tanglad ay maaaring makuhanan ng maraming uri ng kemikal at sustansya na maaaring may benepisyo sa kalusugan. Taglay ng sariwang dahon ng tanglad ang ilang uri ng langis gaya ng lemongrass oil, verbena oil, at Indian Molissa oil. Mayroon din itong methyl heptenone at terpenes. Ang dahon at ugat ay makukuhanan din ng alkaloids, saponin, a-sitosterol, terpenes, alcohol, ketone, flavonoids, chlorogenic acid, caffeic acid, p-coumaric acid at sugars.

 

Panoorin ang KMJS feature:

Disclaimer: Ang mga halamang gamot ay maaaring makatulong sa iba’t ibang mga karamdaman. Subalit marami dito ay wala pang sapat na pag-aaral at wala pang kasiguraduhan. Hindi makapagbibigay ang Mediko.PH ng katiyakan na ang mga ito ay epektibo sapagkat ang epekto ng mga halamang gamot ay maaaring gumana sa ilan, ngunit sa iba ay maaaring hindi naman gumana. Gaya ng ibang gamot, mahalagang isangguni ang pag-inom ng mga halamang gamot sa inyong doktor.

Health

Inday Sara, ikinalulungkot ang masyadong ‘slow’ na pagpapatupad ng batas sa Universal Health Care

Published

on

By

Ikinalungkot umano ni vice presidential candidate at Davao City Mayor Inday Sara Duterte-Carpio ang ‘mabagal’ na pagpapatupad ng Universal Healthcare (UHC) Law.

Sa harap ng mga nars at medical frontliners sa Batangas City, sinabi ni Duterte-Carpio na bagama’t ang UHC ay isang kapaki-pakinabang na hakbang, ito ay isang “very big challenge” para sa mga local government units na dalhin ito sa kanilang mga nasasakupan.

“Ang laki din ng dapat gawin pa ng government, unang una na ang Universal Healthcare Act. It is already a law, but ang bagal ng implementation ng batas,” saad ni Duterte-Carpio.

“Ang daming mga reforms na supposedly dapat nandoon, but it’s either mabagal o hindi pa nasisimulan,” dagdag pa niya.

Ayon pa kay Davao City Mayor, ang mga isyu sa pagpapatupad ng UHC Law ay nararanasan din sa Davao City, kung saan siya ay kasalukuyang nagsisilbing alkalde.

“Even in our city, the local government of Davao City, hirap kami [on] how to operationalize the UHC and hindi namin alam kung saan kami magsisimula,” pag-amin niya.

“We are trying our best na ma-implement yung Universal Healthcare Act. Napakaganda nung batas, and it is a very big challenge for local government units na aming ibaba ‘yung mga puwedeng gawin at puwedeng makatulong sa ating mga kababayan,” aniya pa.

Sinabi ni Duterte-Carpio na sinimulan na ng Davao City government ang pakikipag-usap sa Department of Health at mga government hospitals para sa operationalization ng UHC Law sa susunod na dalawa hanggang tatlong taon.

Matatandaan na nilagdaan ni Pangulong Rodrigo Duterte bilang batas ang Universal Health Care Law na naglalayong bigyan ang lahat ng Pilipino ng coverage at benepisyo sa pangangalagang pangkalusugan noong Pebrero 2019.

Sa ilalim ng batas, awtomatikong mapapatala ang mga Pilipino sa panukalang National Health Insurance Program (NHIP), bilang direktang kontribyutor o hindi direktang kontribyutor.

Continue Reading

celebrities

Alex Gonzaga na-diagnose na may ‘vocal chord nodules’, ayon kay Toni

Published

on

By

Nag-aalala man, bilib pa rin si Toni Gonzaga sa kaniyang nakababatang kapatid na si Alex matapos makitaan ang huli ng bukol sa kaniyang lalamunan.

Ibinahagi ni Toni na na-diagnose si Alex na mayroong vocal chord nodules bago pa man sila tumulak papuntang Dubai.

Kabilang ang magkapatid na Gonzaga sa mga celebrities na naimbitahang magtanghal sa ginanap na Expo 2020 Dubai noong Marso 3. Idinaos ang naturang event sa Jubilee Stage sa Dubai na dinaluhan ng maraming Pinoy OFWs sa United Arab Emirates (UAE).

Ayon kay Toni, nagawa pa ring makapagtanghal ng kaniyang kapatid sa kabila ng problema nito sa lalamunan.

“Proud of you sissily @cathygonzaga. She was diagnosed with vocal cord nodules before flying to Dubai but she still pulled it off for the show,” ani Toni sa kaniyang Instagram story.

Ayon sa Healthline, ang vocal chord nodules “are hard, rough, noncancerous growths on your vocal cords. They can be as small as a pinhead or as large as a pea.”

Ito umano ay sanhi ng sobrang pagka-strain ng boses ng isang tao dahil sa labis-labis na pagkanta, pagsigaw o pagsasalita nang mahabang oras.

Kadalasang nakikitaan nito ay mga singers, cheerleaders, radio hosts, preachers, coaches, sales people at mga teachers.

Subalit maaari ring dahilan ito ng paninigarilyo, pag-inom ng alak, side effects mula sa gamot, o kaya dahil sa pagkakaroon ng sinusitis at allergies.

Samantala, maliban kina Toni at Alex, nagtanghal din sa Expo 2020 Dubai si Juan Karlos Labajo kung saan kinanta nito ang kaniyang monster hit na ‘Buwan’.

Ibinahagi pa ni Mommy Pinty Gonzaga na dinumog umano ng mahigit 16,000 spectators ang naturang event.

“Thank you to 16k pinoys who watched last night. Biggest crowd in one of the biggest stages in the expo. So proud to witness it. Maraming salamat Dubai!” ani Mommy Pinty sa kaniyang Instagram post.

Sa darating na Marso 18, ang bandang Parokya ni Edgar naman ang nakatakdang lumipad patungong UAE para rin sa Expo 2020 Dubai.

Continue Reading

Health

Batang laging gutom mayroon palang rare genetic condition

Published

on

laging gutom

Kung normal lang sa iilan ang maya’t mayang pagkagutom, ang nadarama ng isang 10 taong gulang na batang laging gutom ay hindi na pala karaniwan kung hindi isang rare genetic condition.

Sa ulat ng Senior Health Correspondent ng The Strait Times na si Joyce Teo, tinukoy na mayroong Prader-Willi Syndrome (PWS) ang batang si David Soo mula sa Singapore. Isa lamang sa bawat 15,000 births ang maaaring magkaroon nito.

laging gutom

“Mealtimes are coveted affairs for 10-year-old David Soo, who is constantly driven by the urge to eat. It is not a pleasurable live-to-eat feel that many enjoy but an uncontrollable hunger that he has to wrestle with for the rest of his life,” paliwanag sa nasabing article. “He does not have that sense of feeling satisfied after a meal. His stomach simply does not tell his brain that he is full.”

At hindi raw biro ang kondisyong ito maging sa mga nag-aalaga sa mga taong mayroon nito dahil kailangan daw matiyak na hindi mapasobra nang husto ang kain nila, lalo na at may iba pa silang kalaban bukod sa malalang klase ng obesity.

laging gutom

“Compulsion to eat is so overwhelming that people with this disorder, if left unsupervised, may endanger themselves by eating harmful food such as spoiled food or garbage and excessive quantities, harmful to the stomach. Affected children may also exhibit unusual behaviors regarding food including hoarding and/or foraging for food, stealing food, and stealing money to buy food,” saad ng RareDiseases.org.

Sa tahanan nina David, tinitiyak na hindi mapaparami nang husto ang kain nito kaya naman kung minsan ay kinakandaduhan na ang pintuan sa kanilang kusina at mayroon na ring takdang oras ng kain nito para alam daw ng bata kung kailan talaga ang tamang oras ng pagkain niya o kung kailan lamang siya maaaring kumuha ng snacks.

laging gutom

Dahil dito, nanatiling kontrolado ang timbang ni David kaya naman para na rin siyang isang normal na tao. Bagama’t kakailanganin niya ang ibayong disiplina pagdating ng panahon na siya na ang nag-aalaga sa sarili niya, lalo na at wala pang nakikitang lunas sa PWS sa kasalukuyan.

Continue Reading

Trending