Connect with us

VIDEO

Terrence Romeo, iniwan nga ba sa ere ang asawang nasakote ng awtoridad?

Published

on

Mainit na mainit ngayon ang tsika tungkol sa dalawang babae na dinakip ng mga awtoridad. Ang isa kasi sa kanila ay asawa ng isang napakapopular na player sa Philippine Basketball Association (PBA).

Marami raw inutangan ang asawa ng basketball star na hindi binabayaran, kabilang na roon ang talent manager-comedian na si Ogie Diaz.

Image from PNP

Puro pangako lang daw ang ibinibigay sa kanya ng asawa ng PBA player.

“Kung nakaka-bilyonaryo lang ang mga pangakong magbabayad na me kasama pang petsa kung kelan, baka nabayaran ko na ang utang ng Pinas. Ganu’n ka-grabe mangako. At ang kapal ng mga tseke niyang walang pondo,” ayon sa komedyante na isa na ring sikat na vlogger ngayon.

“Pasasaan ba’t babanggitin ko din ang name ng lola n’yong maganda,” sabi  pa ni Ogie.

Pero bago pa magawa ni Ogie na ibulgar ang pangalan ng babae ay pumutok na ang balita na dinakma iyon ng mga awtoridad sa isinagawang entrapment operation dahil sa “rent-tangay” carnapping modus.

Bukod pa ito sa mga reklamo ng 700 investors na natangayan raw ng miyun-milyong piso sa MLM company ng mga suspek.

Kinilala ang isa sa mga suspek bilang si Beatrice Pia White na asawa umano ng PBA star na si Terrence Romeo ng koponang San Miguel Beer.

Image from PBA

Bago pa masakote ang asawa ni Terrence ay ibinulgar na ni Cristy Fermin sa kanyang programa na Cristy Ferminute noong January 6, 2022 na hiwalay na pala ang mag-asawa.

Sobra daw na minahal ni Pia ang asawa, subalit nang magkabaon-baon ito sa utang ay iniwanan ito ni Terrence, ayon sa entertainment columnist at radio host.

Nasaan na raw ang basketball player noong kailangan siya ng asawa?

“Nakakaawa lang si Pia kasi wala siyang nagawang kasalanan kundi ang magmahal,” sabi ni Cristy Fermin.

Screenshot from Cristy Ferminute video

“Masyadong na-in love si Pia kay Terrence, masyadong naging faney. Fan na fan. Hindi niya ipatatalo si Terrence kahit kailan. Bobonggahan niya ang pagsuporta. Anong nangyari ngayon? Nung magkautang-utang si Pia, ang dami-daming naniningil na ang daming magdedemanda, nasaan si Terrence?” makahulugang tanong ni Nay Cristy.

“Tumakbo, wala na. Hindi na siya sinamahan. Hindi ba dapat ‘pag karelasyon, sa hirap at sa ginhawa?”  sabi pa niya.

Panoorin ang pagtalakay ni Nay Cristy sa paghihiwalay ni Terrence Romeo at asawang si Pia (simula sa 30:18 mark ng video)

celebrity

‘Si Kris daw, ipinagbibilin na si Josh at saka si Bimby sa kanyang mga kapatid’ – Cristy Fermin

Published

on

By

Muling pinag-usapan nina Nay Cristy Fermin sa kanyang latest episode ng online talk show ‘Showbiz Now Na!’, kasama sina Romel Chika at Morly Alinio, ang tungkol sa health condition ni Kris Aquino.

Inihayag din ni Nay Cristy ang mga pekeng impormasyon na sumakabilang-buhay na si Kris.

“Kailan lang lumutang ‘yung balita na patay na siya. ‘Di ba, lahat tayo naligalig? Ako naman ang feeling ko naman diyan, baka naman po pupuwede na tanggalin po muna natin sa ating puso at isip ang pagwi-wish ng kamatayan ng ating kapwa,” ani Cristy.

Hinimok din ni Cristy ang mga detractors ni Kris na tulungan ang Queen of All Media na maka-recover sa pamamagitan ng pagdarasal para sa kanya.

“Ako aminado ako, pinipitik ko si Kris pagka hindi ako sang-ayon sa kanyang mga ginagawa. Pero ilang ulit na nating sinasabi, ilang buwan na tayong humihiling ng panalangin, hanggang sa mga columns natin. Sana naman po, tulungan natin si Kris na makasalba sa pagkakataong ito.”

“Hanapin po natin sa ‘ting isip at puso ang pagmamahal sa isang kapwa tao, tutal naman po kapag siya ay nakasalba dito sa pagkakataong ito, makikita po natin, maganda ang kalalabasan ng kanyang mga anak, ng kanyang pamilya.”

Gayunpaman, Iginiit ng beteranong kolumnista na ipinagkakatiwala na ni Kris ang kanyang mga anak na sina Josh at Bimby sa kanyang mga kapatid kung sakaling hindi maging matagumpay ang kanyang paggaling.

“Ito po ‘yung nakakalungkot. Kwento rin po naman ito mula din sa kanilang pamilya, na si Kris daw, ipinagbibilin na si Josh at saka si Bimby sa kanyang mga kapatid. Kung ano man ang mangyari sa kanya, alam ng kanyang mga kapatid kung ano ang gagawin.”

Higit pa rito, nagpahayag ng awa si Nay Cristy sa mga anak ng Queen of All Media, lalo na kay Josh na may mga espesyal na pangangailangan. “Ako’y naaawa kay Josh at kay Bimby kasi napakabata pa nila para mawalan ng ina kung talagang wala itong kalunasan. Lalo na si Josh, may mga special needs po si Josh.”

Panoorin.

Continue Reading

entertainment

Bride niregaluhan ng groom ng P1 Million sa araw ng kanilang kasal

Published

on

By

Mayroon bang mas magandang regalo sa kasal kaysa sa P1-milyon? ikaw? Nakatanggap ka rin ba ng ganitong regalo sa araw ng iyong kasal?

Parang panaginip lang ano? Pero sa kaso nina Ploy at Paola Bernardo-Garcia, ito ay reality.

Nagkakilala ang dalawa noong 2016 sa pharmaceutical company kung saan nagtatrabaho si Ploy bilang engineer at si Paola naman ay isang intern doon.

Makalipas ang ilang buwan, naging opisyal din ang kanilang relasyon.

Matapos ang limang taon nilang relasyon, noong Hulyo 2021 naman ay nag-propose ng marriage si Ploy kay Paola.

Best Wedding Gift

Ang bride na ito mula sa Bulacan ay nakatanggap umano ng ‘best’ wedding gift mula sa kaniyang groom.

Sa kanilang wedding day ay nakatanggap si Paola ng dalawang passbook na may savings na nagkakahalaga ng tig P500k. Ito ay regalong ibinigay ng kaniyang husband na si Ploy. Hindi umano in-expect ni Paola ang wedding gift ng kaniyang husband dahil pareho daw silang kuripot.

“Savings para sa magiging first baby natin,” ayon sa pagbasa ng bride sa note na kalakip ng passbook na may halagang P500k.

“Second gift ko sa’yo naman savings,” dagdag pa niya at sa isa pang passbook ay makikita ang P500k, na sinabayan ng hiyawan ng kanyang mga abay.

Pagbabahagi naman ni Ploy, “Nag-come up ako sa idea na ganun kasi parang gusto ko maging inspirasyon sa ibang tao. Kasi sa panahon ngayon, dapat maging praktikal tayo. ‘Yung mga blessing na natatanggap natin, dapat ginagamit natin nang tama.”

 

Ayon kay Paola, kasama na sa P1M ang ipon nilang mag-asawa.

“Savings namin na natira since pinili namin na mag-intimate wedding lang. Then na shock lang ako kasi nagawa lang niyang one million. So ‘yun ‘yung surprise. Hindi ko alam paano niya nasaktong one million,” paglalahad niya sa isang PhilStar feature.

Naging intimate naman ang kanilang kasal noong Enero 16, 2022 na ginanap sa Bulacan at mayroon lamang silang 30 bisita.  Umabot lamang umano ng P300k ang kanilang nagastos dito dahil mas gusto pa rin nilang makaipon para sa kanilang kinabukasan.

Ine-enjoy naman ngayon nina Paola at Ploy ang kanilang buhay mag-asawa habang mina-manage ang kanilang negosyo.

Panoorin.

@paobgarciarph Char lang!! Pero pano di maging crying bride pag ganito yung vow? Lol 😆 #weddingvow #intimatewedding #fyp ♬ original sound – Paola Bernardo-Garcia – Paola Garcia

Continue Reading

celebrity

Taylor Swift, pormal na tinanggap ang honorary degree mula sa New York University

Published

on

By

Nakatanggap ng honorary doctorate degree mula sa New York University ang singer-songwriter na si Taylor Swift noong Miyerkules, Mayo 18, at naatasang magbigay ng ‘commencement speech’ sa Class of 2022.

Nakasuot siya ng purple na robe at black mortarboard sa graduation ceremony na ginanap sa Yankee Stadium.

Sa halos 20-minutong speech ay hinimok ng 32 taong gulang na ‘Doctor of Fine Arts’, honoris causa, ang mga mag-aaral na ‘himayin’ ang kanilang mga pagpipilian o choices sa buhay.

Aniya, “Life can be heavy, especially if you try to carry it all at once. Part of growing up and moving into new chapters of your life is about catch and release. What I mean by that is, knowing what things to keep, and what things to release. You can’t carry all things, all grudges, all updates on your ex, all enviable promotions your school bully got at the hedge fund his uncle started. Decide what is yours to hold and let the rest go. Oftentimes the good things in your life are lighter anyway, so there’s more room for them. One toxic relationship can outweigh so many wonderful, simple joys. You get to pick what your life has time and room for. Be discerning.”

“I have some good news: It’s totally up to you. I have some terrifying news: It’s totally up to you,” dagdag pa niya.

Pinuri niya ang mga nagtapos sa pagharap sa hamon ng pag-aaral sa kolehiyo sa panahon ng pandemya. “Never be ashamed of trying – effortlessness is a myth.”

Kabilang ang Grammy winner sa tatlong tumanggap ng honorary degree (honoris causa) mula sa unibersidad.

Pagbabahagi niya, “I never got to have the normal college experience, per se. I went to public high school until tenth grade and finished my education doing homeschool work on the floors of airport terminals.”

Samantala, nag-aalok ang NYU ng Taylor Swift course, kasama ang kanyang ebolusyon bilang isang creative music entrepreneur.

 

Mababasa ang kanyang full speech sa Facebook page ng Swifters.

Basahin: Taylor Swift course, inilunsad sa New York University

Isa naman si Jillian Robredo sa mga masuwerteng Swiftie nang makita niya ang Grammy Award-winning pop star na si Taylor sa graduation ceremony sa New York University.

Si Jillian ay isa sa mga nagtapos sa nasabing commencement, at kasama sa mga taong naghihiyawan nang pumasok ang singer sa stadium, na makikita naman sa Instagram Stories ni Jillian.

“Queen of my heart,” aniya sa kaniyang caption.

Nagtapos si Jillian sa New York University na may double degree sa Matematika at Ekonomiya. Dumalo siya sa commencement ceremony kasama ang kanyang ina, si Vice President Leni Robredo, at mga kapatid na sina Tricia at Aika.

Basahin: Jillian’s viral grad pic shows pendant containing her late father Jesse’s ashes

Panoorin.

Continue Reading

Trending