Connect with us

celebrity

Angel Locsin, may mensahe sa kapwa Leni volunteers: ‘Lumaban tayo hindi para sa isang tao, kundi para sa bayan’

Published

on

Sa kaniyang Instagram account ay nagpahayag ng mensahe ang aktres na si Angel Locsin para sa mga kapwa Leni volunteers.

“To my fellow Leni volunteers, na-witness ko ang kakaibang passion na ibinigay natin sa eleksyong ito. I am proud to have fought with you to the very end. Huwag kang manghina dahil ibinigay natin ang lahat… na walang pag-aalinlangan. Hindi tayo naging madamot, itinaya ang pangalan at oras. Lumaban kahit mahirap para sa ating paniniwala at sa kapwa. Kahit imposible,” aniya.

“Lumaban tayo hindi para sa isang tao, kundi para sa bayan. Kaya kahit matatapos na ang bilangan. Piliin pa rin natin ang bayan. Piliin pa rin natin ang Pilipinas. Patuloy tayong magpakita ng malasakit at kumilos para sa kapwa. Ipinagdarasal ko na darating din ang araw na makikita natin ang Pilipinas na minimithi. Taas noo,”  dagdag pa niya. “Salamat Mam Leni sa inspirasyon.”

Ayon sa latest update sa partial at unofficial na resulta ng mga boto ay makikita si presidential candidate Bongbong Marcos, Jr. na humakot ng botong higit 31M, habang pumapangalawa si Leni na nasa higit 14M naman.

Nitong Mayo 9 ay ibinahagi ng aktres ang kaniyang pagboto kalakip ang isang larawan sa kaniyang IG account na naka-finger heart na nagpapakita ng Electoral ink sa kaniyang daliri.

“Haaay Pilipinas kahit parang ang hirap minsan, kahit parang imposible, pipiliin at pipiliin pa rin kita 🇵🇭. Sinamahan lang si daddy sa may seniors lane, then nagpunta na sa presinto ko. Maraming salamat po sa mga tapat na mga guro na nagbabantay. Mga hindi pa daw kumakain o umiinom makapagbantay lang,” aniya sa kaniyang caption post.

Bago ang eleksyon ay nagbahagi ang aktres ng isang meaningful bible verse mula sa ‘Book of Exodus’ kaugnay sa ‘pag-asa’.

“But select capable men from all the people—men who fear God, trustworthy men who hate dishonest gain—and appoint them as officials over thousands, hundreds, fifties and tens.”

Sa kaniyang caption ay sinabi niyang, “Isa sa mga nabibigay ng eleksyon ay ‘Hope’. Pag-asa sa isang tapat, maunlad, magandang kinabukasan para sa lahat.” She also optimistically wrote, I believe, nagawa na natin ang ating makakaya at oras na para ipaubaya sa Maykapal,” aniya.

“Posting this here bilang guidance sa akin kung paano ako pipili ng mga kandidato na iboboto,” saad pa niya.

celebrity

Pokwang, tanggap at iginagalang ang bagong administrasyon; Proud pa rin na isang kakampink

Published

on

By

Ibinahagi ni Pokwang sa kanyang Twitter na tanggap niya umano ang bagong administrasyon ngayon sa bansa. Ito ay matapos iproklama bilang ika-17th president si Ferdinand ‘Bongbong’ Marcos at ang ka-tandem nitong si Sara Duterte bilang Bise Presidente ng Pilipinas.

Kalakip nito ang isang larawan na nagpapakita ng kabuuang bilang ng mga boto na natanggap nina VP Leni Robredo at Sen. Kiko Pangilinan noong May 2022 elections.

Ayon sa comedienne, ang administrasyon ngayon ng bansa ay iginagalang niya at buong puso niyang tinatanggap.

Gayunpaman, nais niya pa ring sabihin sa buong mundo na ipinagmamalaki niya na isa siya sa mga nanindigan at patuloy na titindig bilang kakampink.

“Kung ano man ang meron tayo ngayong administrasyon nirerespeto ko at buong pusong tinatanggap, ngunit nais kong ipagsigawan na ako ay proud na isa ako sa tumindig at patuloy na titindig #loudandproud #proudkakampink.”

Ang comedienne ay supporter nina VP Leni Robredo at Sen. Kiko Pangilinan. Sumama na rin siya sa ilang rally ng Leni-Kiko tandem noong kampanya.

Matatandaan na inihayag ni Pokwang sa kanyang Instagram post na hindi siya nagsisisi na sinuportahan niya si Leni, at nagpasalamat din ito sa VP dahil naging parte siya ng journey nito.

“This is it… hindi po ako nagsisi na sinuportahan kita, at kahit kailan ‘di ko ikahihiya na sinuportahan ko ang isang Leni Robredo, thank you po at hinayaan n’yo akong maging parte ng iyong journey, may mga nayakap at nakausap na tao nadagdagan ang kaibigan sa maiksing panahon ng mga rallies na nakasama ako, isang nakakapagod ngunit masayang experience kasama mga nagmamahal sayo.”

Nagpasalamat din ang comedienne sa mga nag-volunteer upang tumulong, pati na rin ang mga kapwa niya artista.

“Salamat po @bise_leni God bless you at buong pamilya sa mga nagboluntaryo ng tulong mula sa mga kapwa ko Artista, estudyante, lahat kayo na may mga maliliit na negosyo, salamat maraming salamat sa inyo back to work back to normal ang buhay laban ulit.”

Continue Reading

celebrity

Lolit Solis, may puna kay Bea: ‘Mukhang mas matanda si Bea Alonzo na wala pang asawa at anak’

Published

on

By

Muli na namang ipinagpatuloy ni Lolit Solis sa kanyang Instagram account ang pagpuna laban sa aktres na si Bea Alonzo.

Pinuna ng beteranang showbiz writer si Bea na na-late ng dalawang oras sa kanyang Beautederm press conference.

Iginiit din niya na mukhang matanda, washed out, at mas malala ang pangangatawan ni Bea kumpara kay Marian Rivera kahit na may dalawang anak na ang huli.

 

Ayon kay Lolit, hindi karapat-dapat si Bea na maging endorser ng Beautederm dahil mukhang siyang matanda.

Sa kabila ng patuloy na pagpuna ni Lolit, patuloy pa rin naman ang tagumpay ni Bea bilang aktres at endorser. Mayroon din siyang  romantic life bilang girlfriend ni Dominic Roque. Hindi na rin umano pinapansin ni Bea ang lahat ng post ni Lolit laban sa kanya.

“Paano kaya ang gagawin ng Beautederm na pag-launch sa dalawa nilang endorser na sila Marian Rivera at Bea Alonzo, Salve. Kasi ang ganda ganda ni Marian Rivera kahit may 2 anak na, samantalang mukhang mas matanda si Bea Alonzo na wala pang asawa at anak.”

“Imagine mo na sa presscon lang kita mo na ang big difference ng dalawa, si Marian, advance ng kalahating oras, samantalang si Bea LATE ng 2 oras. Grabe ang difference ‘di bah! Kaloka! Eh mas sikat si Marian Rivera, mas maganda at mukhang bata pero hindi late dumating at hindi binigyan ng sakit ng ulo ang Beautederm, heto si Bea na parang starlet na lang ngayon, mukhang matanda, ewan bakit ghosting ni Gerald Anderson, at sa edad niya hangga ngayon wala parin anak pero mas maganda parin katawan ni Marian Rivera.”

“Parang hindi na bagay sa Beautederm si Bea Alonzo dahil sapaw siya sa beauty ni Marian. Saka dapat makakita na siya ng BF na hindi siya ghosting at pakasalan na siya dahil nagkaka edad na siya. Sana nga duon sa mga commercials nila na mukha siyang Tita ni Alden Richards mas maging mukha na siyang bata at fresh looking,” pagpapatuloy pa nito.

“Hay naku, lahat ng make up artists ipatawag na para mag ayos kay Bea at sana huwag ng sita ma late ha, sumakit ang ulo ng mga writers sa paghihintay sa kanya, at Bea Alonzo, huwag ka ng magpagod ipa-cancel kami nila Gorgy at Salve, hindi namin pinangarap maghintay ng 2 oras sa isang starlet na tulad mo noh! Kalokah,” pagtatapos nito sa kanyang IG pos.

Sa isang ulat ng PEP noong Mayo 3, tinanong umano siya ni Ogie Diaz kung ano nga ba ang tila galit niya kay Bea, ngunit hindi raw nito alam. Pero pag-amin naman ni Manay Lolit, masama umano ang loob nito sa manager ni Bea na si Shirley Kuan, na nagkataong kasamahan ni Lolit  sa PAMI  o Professional Artists Managers, Inc. Bagamat tapos na raw iyon, tila hindi pa handa si Manay Lolit na tigilan na ang kapupuna sa girlfriend ni Dom ano?

Continue Reading

celebrity

Kyla, inalmahan ang bashers sa kanyang tweet kaugnay sa presyo ng gas, mababang sweldo ng mga tao

Published

on

By

Ang R&B singer na si Melanie Alvarez – o mas kilala sa kanyang stage name na Kyla – ay naghayag ng kanyang saloobin kaugnay sa reaksyon ng ilang netizens sa kanyang tweet tungkol sa presyo ng gas at mababang sweldo ng mga tao.

“I am aware of what’s happening in the world. Grabe ang comments ng ibang tao. Everyone want to be right nowadays. Kaya walang nangyayari,” aniya sa panibagong tweet.

“I was simply stating a sad reality. It’s NOT a complaint. I never said it’s the government’s fault. Don’t put words in my mouth,” dagdag pa niya.

Ito ay may kaugnayan sa sentimyento niya noong Mayo 21 sa kanyang Twitter account kung saan ay inihayag niya ang isang malungkot na katotohanan sa kasalukuyan.

“Sobrang mahal ng gas. Pero ‘yung sweldo ng mga tao hindi naman tumataas,” aniya.

Matapos iyon ay ilang netizens ang nagkomento sa kanyang saloobin hanggang sa tawagin siyang “bobita” at “walang alam”

Sinubukan pa ng ilan na i-lecture ang singer at ipaliwanag dito ang dahilan ng pagtaas ng presyo ng gas.

Ayon sa ilang netizens, kahit tumaas na ng P33 ang suweldo ng karamihan ay hindi pa rin umano sapat ito para sa kanila dahil sa pangunahing bilihin at pagtaas ng petrolyo.

Isang netizen naman ang nagkomento at sinabi kay Kyla na magpatayo ito ng sarili niyang petrochemical para ma-solve nito ang kanyang problema.

“Magpatayo ka ng sarili mong petrochemical pra solve ang problema mo. Good luck!!!!”

Agaw-pansin ito kay Kyla at sinagot nito ang basher. Aniya, “You’re reacting to something I didn’t say or mean. I guess that makes you so smart. Wow. Good job genius!”

Samantala, ang tweet ni Kyla ay umani rin naman ng pagsang-ayon mula sa iba pang netizens na naintindihan ang kanyang saloobin sa ‘sad reality’ ng buhay.

Continue Reading

Trending