Karaniwan na lechong baboy ang handa ng ilan kapag sumasapit ang Bagong Taon o kaarawan ngunit may kamahalan nga lang ito kaya bibihira lamang ang mga taong naghahanda nito.

Ito ang madalas na hinahanap sa mga okasyon dahil sa linamnam at sarap nito.

Inulan ng reaksyon ng mga social media users ang ibinahagi ng netizen na si John Elbert Flores sa Facebook group na ‘Homepaslupa Buddies 3.0’ tungkol sa inihanda ng kanyang pinsan nung bagong taon.

“Flex ko lang ‘yung pinsan ko si Apple Flores na nakaka luwag luwag na at Dinosaur ang handa nung bagong taon,” pabiro niyang sinabi sa kanyang caption.

sa kanyang ibinahagi ay magtataka ka sa una kung ano ba ang nakahain sa lamesa pero kung titingnan nang mabuti ay isa pala itong lechong baka. Kwelang komento naman ng ilan ay lechong dinosaur umano ito.

Ayon kay John, lechon baka ito at ang pinsan na lamang niya ang nag-lechon.

“Baka po ‘yun na binili nila then sila na lang po ang nag-Lechon. Natuwa lang ako sa itsura ng Lechon kaya shinare ko, gulat lang din ako sa comments and reactions ng mga tao. Sharing good vibes lang din para happy ang bagong taon,” aniya sa panayam ng ‘Pilipino Star Ngayon Digital.’

Nagkomento naman ng mga kwelang hirit ang mga netizens.

“Matik yan 1 week siguro litson niyan, Dec 26 pa lang inumpisahan na litsonin dec.31 ng hapon naluto.”

“Mummy to galing egypt, inihaw nla ulit pra ihanda sa new year.”

“Mahal po ang Lechong Baka kesa baboy. Malamang ubos ito kung buong barangay ang kakain dahil bibihira ang naghahanda nito tiyak masarap at luto naman ang pagkalitson. Happy eating masarap sa pulutan!

“Masarap sa lechon baka habang kumakain nasa konting baga pa rin nakatuhog at kumukuha lang ng- i-slice kukuha ng kakainin.”

Basahin: Mga mango float na ‘di tinipid pero tinamad’, nagdulot ng katatawanan

Isa rin sa nag-viral ang mango float, kung saan basta na lamang inilagay ang Graham crackers at ipinatanong ang mga hiniwang mangga, batay sa Facebook page na “So Yummy Talaga“.

Paano nga ba inaalagaan ng isang Joshua Garcia ang kanyang sarili?

Ipinakilala kamakailan ang Kapamilya star na si Joshua Garcia bilang celebrity endorser ng Koomi sa pagbubukas nito ng ika-100 tindahan ng frozen yogurt brand sa SM Mall of Asia Square.

Bahagi ng kaganapan ang isang meet-and-greet na dinaluhan ng media, influencers, at mga tagahanga. Ang buong hapon ay ginugol sa pagdiriwang ng tagumpay ni Koomi, kabilang ang isang 100-meter-long ribbon-cutting ceremony at iba’t ibang laro para sa mga excited na dumalo.

Ang frozen yogurt ay hindi na bago sa Pilipinas, ngunit binago ng Koomi ang karanasan sa yogurt sa maraming paraan kabilang ang pagkakaroon ng mas matamis na bersyon ng yogurt nito (tinatawag na Filipino blend); ang pagpapakilala ng mga yogurt cake (ang Waterberry Wonder ay dapat subukan), at pinangalanan ang mga inumin nito ng mga nakatutuwang moniker tulad ng “I Banana Dance with Some Berry” o “Banana Know What Love Is,” bukod sa iba pa.

Upang simulan ang milestone ng ika-100 na tindahan, oras na para makakuha ng celebrity endorser, kung saan pinipili ng franchise ng Australia ang isa sa mga natatanging young stars ngayon.

“He is a young, fun, chill guy who likes to stay fit and active but has the need to indulge during his downtime, and prefer healthy food choices,” sabi ng CEO ng Visum Ventures na si Mike Hilton, na nagdala kay Koomi sa Pilipinas noong 2019.

Dumating ang mga tao upang makita si Garcia na masiglang nagpaunalk sa mga nagnais magpa-picture, at laging may nakahahawang ngiti na nakahanda para sa maraming tagahanga na tumatawag sa kanyang pangalan.

Pagkatapos ng event, nagtanong na ang mga host sa kaniya tungkol sa endorsement niyasa Koomi at tungkol sa bago niyang role bilang Sgt. Brian Robles sa “Mars Ravelo’s Darna.”

Sa isang Youtube video kuha ng isang netizen ay mapapanood ang isang pagtatanong sa aktor.

Nang tanungin ng speaker ang aktor kung anong paboritong flavor nito, sagot ni Joshua, “Yung paborito ko ‘yung Ube, pangalan niya ay ‘Will Ube Mine.”

Sinundan naman ito ng isa pang tanong; kung ano ang pinagkakaabalahan ng aktor makalipas ang dalawang taon.

Aniya, pagbabasa, pagwowork-out pagkat kinukundisyon niya ang kanyang sarili upang hindi mabigla sa mga taping ng “Mars Ravelo’s Darna” dahil marami itong action scenes. Hindi naman siya si Darna na may super powers, kaya ginagawa niya umano ang mga bagay na makatutulong sa kanya.

Ayon sa panayam ng ABS CBN, “Sobrang exciting ‘yung fight scenes! Kailangan kasi fit ‘yung character ko since walang [siyang] superpower unlike Darna, so more physical scenes. I do some cardio and talagang kailangan healthy para sa mga fight scenes. Koomi helps me stay healthy, guiltless goodness talaga.” paliwanag ng aktor.

Samantala, sa comments section ay may mga netizens na pabirong nagtanong kung kasama ba ang crush ng bayan sa franchise ng Koomi.  hahaha

Bahagi ba ng inyong hapag kainan ang kamote?

Ang kamote, na sweet yam o sweet potato sa Ingles (Ipomoea batatas), ay isang pangkaraniwang halamang-ugat sa Pilipinas na maaaring kainin. Ang mga mura at malambot na mga dahon nito na talbos kung ating tawagin ay maaaring pakuluan o i-steam at isahog sa mga lutuin.

Isa ang kamote sa mga paboritong pagkain ng mga Pinoy. Kaaniwang may matamis na lasa ang pagkaing-ugat na ito.  Manipis ang balat nito at may iba ibang uri; may kulay lila, may puti, may kulay kahel at dilaw.

Maaari mo itong kainin nang nilaga lamang o gamitan ng ulang na parang inihaw. Maaaring balatan o ipito nang may balat matapos linising maigi. Kamote cue ang pinaka-karaniwang pamamaraan sa pagluto ng kamote. Ang kanyang dahon ay puwedeng kainin din, at may maraming paraan sa pagluto nito.

Ano-ano naman kaya ang mga benepisyo ng pagkain ng kamote sa ating kalusugan?

1. Ang kamote ay mainam na source ng potassium.

Ang kamote ay isang magandang regulator sa tibok ng puso (heartbeat) at nerve signals. Ang mataas na lebel ng potassium ay makikita dito. Ang klase ng electrolyte na nasa kamote ay hindi lang nagre-regulate ng pagtibok ng puso kundi pinipigilan din nito ang muscle cramps at nagbibigay proteksyon din sa ating mga bato (kidneys).

2. Ang kamote ay masustansiya at nagbibigay ng karagdagang tubig at fiber 

Ito ay mainam na source ng fiber, vitamins, at minerals. Mayaman din ito sa antioxidants na nangangalaga sa ating katawan mula sa mga radical damage at mga chronic disease.

Tandaan din na ang ating katawan ay nangangailangan ng sapat na tubig para maging malusog. Malaking tulong ang kamote para diyan. Ang fiber na matatagpuan sa kamote ay tumutulong sa pagpapanatili ng tubig sa ating katawan. Pinapanatili itong balanse at pinapanatili tayong hydrated.

3. Ang kamote ay nakatutulong sa may hika (asthma)

Bukod sa pagiging masustansiya, mainam na isama sa diet ang kamote kung ikaw ay may hika. Ang kamote kasi ay isa sa mga pagkain na bihirang nagdudulot ng allergic reactions sa katawan. Di nga ba’t ang hika ay kadalasang kinakabit sa mga allergy?

Kapaki-pakinabang para sa mga may hika ang talbos o dahon ng kamote dahil sa pamamagitan ng aroma nito, nakatutulong ito na ma-decongest ang ilong at baga, kaya ang paghinga ay hindi stressful para sa may hika.

4. Ang kamote o sweet potato ay magandang source ng iron.

Hindi lamang karne ang magandang mapagkukunan ng iron. Ang kamote ay nakatutulong din sa ating katawan sa pamamagitan ng pagpapabuti ng paggawa ng mga white blood cells at pinapabuti ang pangkalahatang pagpapalakas ng ating immune system dahil sa iron na matatagpuan dito. Di nga ba’t noon pa man ay sinasabi na kumain tayo ng talbos ng kamote lalo na kung maputla tayo o anemic?

5. Nakatutulong ang kamote upang makaiwas sa cancer.

Ang kamote ay may antioxidants na maaaring makatulong upang maprotektahan tayo laban sa ilang uri ng cancer.

Ang anthocyanins — isang grupo ng antioxidants na karaniwang  tinataglay ng kulay lilang kamot – ay nakapagpapabagal umano sa paglaki ng ilang uri ng cancer cells sa pantog,  bituka, tiyan at dede.

Ang matingkad na kulay kahel na kamote ay mayaman naman sa carotenoids na nagsisilbing antioxidants at tumutulong upang mapigilan ang paglaki ng cells. Napabababa nito ang risk na magka-cancer tayo.

Kailangang malakas ang ating immune system lalo na sa panahon ngayon na maraming virus. Kumain tayo ng maraming kamote dahil ito ay nakatutulong para hindi makapasok ang virus sa ating katawan.

Maraming paraan ng pagluluto ng kamote bukod sa simpleng paglalaga o pag-steam nito. Gawing bahagi ng inyong menu para sa buong pamilya.

Alalahanin ang ating mga ninuno noon at mga taga-probinsiya nating lolo at lola na naging malakas at mahaba ang buhay; marahil ay dahil sa kamoteng regular nilang kinakain!