Connect with us

Inspiring

75-anyos na Pinoy marathoner, pang-51 rank matapos sumabak sa Pinoy Fitness 10K road challenge

Published

on

Isang 75-anyos na lola na nagngangalang Rosalinda Pendon Ogsimer ang naging usap-usapan kamakailan dahil sa natapos nitong ‘fastest 10K run’

Sa hitsura nito sa viral na larawan ay hindi kapani-paniwala ang kanyang ginawa lalo na at 75-taong gulang na si lola. Mahahalata talaga na matagal na niyang ginagawa ang pagtakbo.

Sa Facebook page na ‘Pinoy Fitness’ ibinahagi nito ang larawan ni lola Rosalinda na nakasuot ng race shirt kung saan sumabak ito sa ‘Pinoy Fitness SUB1 10K ROAD Challenge’ pang 51 rank naman siya sa kanyang mga kasamahan.

Ayon sa ‘The Philippine Star’ matapos ang ilang pagkumbinsi mula sa kanyang panganay na anak, pumayag si lola Rosalinda na subukan ang pagtakbo noong siya ay 65 taong gulang pa lamang.

“It was a bad experience because my whole body was in pain. I told my son I would never do it again,” aniya.

Ngunit hindi sumuko ang kanyang anak at hiniling nito sa kanyang ina na gawin ang isang recovery run makalipas ang dalawang araw, kung saan ay tinanggihan naman niya.

Pagkatapos ng mahabang pag-uusap kaugnay sa puwedeng maging epekto nito sa kanyang pangkalahatang kalusugan, nagbago ang isip niya at nagpasya na bumalik sa pagtakbo.

Hanggang sa ginawa na ni lola ang regular training at sumali na rin sa maraming event mula sa 5k na inabot na niya ang 21k.

It went on until we started doing regular training na and joining some events from 5K, 10K, to 21K. Hindi ito biglaan—konti-konti lang ang pag-increase ng km,” aniya.

Bagama’t hindi siya sumusunod sa regular na diyeta, ginagawa niya ang pagtakbo nang tatlong beses sa isang linggo-tuwing Martes, Huwebes, at Sabado.

“Kahit pandemic, hindi ako nagmi-miss. Kahit mabagal, basta makatakbo. Kapag naumpisahan mong ihinto, para ka na namang nag-umpisa e.”

“I don’t compete with anyone. I just enjoy what I’m doing and at the same time, motivating and inspiring newbies. It’s also about having the determination to do it religiously, making time for it, persevering, and believing in yourself.”

Nakabibilib naman siya talaga!

Inspiring

Top 1 din sa board exam: Nursing graduate sa Dumaguete, sumunod sa yapak ng kaniyang kapatid

Published

on

By

Limang taon man ang pagitan nang kumuha sila ng kani-kanilang board exam, pinatunayan ng magkapatid na taga-Dumaguete na ang pagiging matalino ay likas nga sa kanilang pamilya.

Ito ay matapos makuha ni Abigail Ramirez, na nagtapos bilang magna cum laude sa St. Paul University Dumaguete (SPUD), ang First Place sa katatapos lamang na Nurse Licensure Examination nitong Nobyembre 2022 nang makakuha ng rating na 90 percent.

Taong 2017 naman nang maging first placer din ang kaniyang nakatatandang kapatid na si Alec Ramirez ng Negros Oriental State University – Dumaguete sa Geologist Licensure Examination na nakakuha ng rating na 83.20 percent.

Ayon sa Facebook page na DuScian Gateway, si Abigail ay alumna ng Batch 2017-2018 Researchers at ang magkapatid ay kapwa produkto ng Regional Science High School Curriculum ng Ramon Teves Pastor Memorial – Dumaguete Science High School.

Si Alec ay kasalukuyang faculty ng University of the Philippines Diliman- National Institute of Geological Sciences.

Sa panayam ng ABS-CBN News, sinabi ni Abigail na inspirasyon at role model niya ang kaniyang kuya.

“I made him as my role model. I wanted to be like him, so talagang sumikap ako in my own way. Inspirasyon ko rin naman iyong ibang mga kapatid ko, pero dahil kami yung mas magkakalapit ng edad, siya ang mas nakita kong motivation,” wika ni Abigail.

Ibinahagi rin nito ang sikreto niya sa kaniyang naging tagumpay sa pagsusulit.

“It’s really a balance of prayers and also efforts during the exam and preparations. I was lucky enough to enroll in a review program of our university, it was truly like we were blessed to have our clinical instructor,” ani Abigail sa isa pang panayam.

Sa kasalukuyan, plano umano niyang mag-apply bilang clinical instructor sa unibersidad kung saan siya nagtapos.

Continue Reading

Inspiring

‘Nurse na ako’: Batang nangarap lamang noon sa kinder yearbook, natupad na

Published

on

By

Pag nasa puso mo ang iyong pangarap at handa mong gawin ang lahat matupad lamang ito, kahit anong hirap ay malalagpasan mo.

Iyan ang pinatunayan ng isang nurse na si Yssa Falguera sa ibinahagi niya sa kanyang Facebook post.

Hindi umano siya makapaniwala na isa na siya ngayong Licensed nurse.

“No words can express how grateful I am. Thank you, Lord, for guiding us and for all your blessings all throughout this journey. We lift everything up to You. We couldn’t have gone this far without You. Ikaw po lahat ito,” pasasalamat niya sa Diyos na nakayanan niya ito.

Ayon sa panayam ng Pilipino Star Ngayon Digital ay parang nasa puso na niya ang maging matulungin lalo na sa kapwa at nangangailangan.

“Growing up, mas nakita ko yung essence of choosing that profession, parang I have a mission to serve. I find happiness in serving other people, even in the simplest things that I can do. Years have passed I was given the opportunity to study my dream course in my dream university,” saad ni Yssa.

Marami ang naantig sa kaniyang kuwento kung saan ang dating quote lamang niya sa yearbook noong bata pa siya ay natupad na ngayon.

“To my 6-year old self, you once dreamed of becoming a nurse someday. It was a looong and challenging journey, but all those laughter, tears, anxiety, self-doubt, sleepless nights, triumphs and failures paid off. I hope I made you proud, Registered Nurse na tayo! We made it!” masayang sinabi niya.

Bumuhos naman ang pagbati mula sa netizens sa kanyang kuwento;

“Pagbati sa matagumpay na pangarap at Pagpalain ka ng Diyos Ama”

May isang commentor na pakwelang nagsabi na, “Bakit ba kasi ASTRONAUT yung nasa year book ko nung grade school?” hahaha

“Dream come true. Basta may goal.”

“Wow ka birthday ko pa Feb. 5.. Well, lahat tayo may pangarap at ito ay ma achieve basta may perseverance at hardwork. congrats!”

“Congratulations! God bless you more”

Continue Reading

Inspiring

Pagtuturo ng guro habang inaalagaan ang anak, hinangaan ng mga netizens

Published

on

By

Bilang magulang, kahit mahirap ang kakaharapin na pagsubok sa buhay, ipagpapatuloy pa rin ang pagsulong alang-alang sa kapakanan ng mga anak.

Hinangaan ng netizens ang dedikasyon ng isang guro mula sa Porac, Pampanga matapos nitong pagsabayin ang pagtuturo at pag-aalaga sa kanyang anak.

Sa naturang video ay makikita si teacher Krystel Castro na nagtuturo sa kanyang mga estudyante habang katabi nito ang kanyang baby na nakasakay sa stroller.

Nagtatawanan naman ang mga estudyante niya kapag gumagawa ng ingay ang kanyang baby.

Ayon sa ‘Philippine Star’, nagkaroon umano ng emergency ang nagbabantay sa kanyang anak.

Imbis na lumiban sa kanyang klase ay dinala na lamang niya ang anak sa eskwelahan at unang beses raw niya itong nadala.

“Ito po ‘yung first time ko po na gawin po non dahil nagkaroon po ng emergency ‘yung nagbabantay sa kanya po kaya naisip ko po na dalhin na lang ‘yung baby ko po sa school, sa halip na um-absent,” aniya.

Pumayag naman umano ang principal ng kanilang school dahil katulad niya ay isang magulang din ito kaya naman naiintindihan nito ang kalagayan ni Teacher Krystel.

“‘Yun pong school principal po namin, napaka-considerate po niya pagdating sa mga ganitong bagay dahil isa rin po siyang ama. Kaya naiintindihan po niya ‘yung sitwasyon ko.”

Patuloy naman siya sa pagtuturo habang karga nito ang kanyang anak.

Para sa kanya, hindi ito dahilan upang itigil niya ang pagtuturo sa klase.

“Umiyak po siya. Kinarga ko po siya pero hindi po ‘yun ‘yung dahilan para tumigil po ako doon sa pagdi-discuss ko.”

“Normal lang naman po ‘di ba na maramdaman po natin na mapagod tayo habang kinakarga or ginagawa ‘yung dalawang bagay nang magkasabay.”

“Pero kapag mahal mo at gusto mo ‘yung ginagawa mo kahit na mahirap, gagawin mo at ipapatuloy mo.”

Panoorin.

Continue Reading

Trending