Connect with us

celebrities

JM de Guzman may mensahe sa sarili: ‘Ilang taon ka na-rehab, ilang taon din umangat, hindi kita susukuan’

Published

on

jm de guzman

Sa pagpasok ng taon, hindi nakalimutan ng aktor na si JM de Guzman na alalahanin ang taong patuloy na nagpapakatatag para sa kanya— walang iba kung hindi ang kanyang sarili.

jm de guzman

Kalakip ng isang litrato, binalikan ni JM sa caption ang mga pinagdaanan niya sa buhay na talaga namang sumubok sa kanya sa mga nakalipas na taon. Dito, sinabi niya kung gaano siya ka-proud sa kanyang sarili dahil sa kabila ng lahat ay nanatili itong nakatayo kahit pa marami itong pagkakamali sa nakaraan.

“Dear JM, I’m proud of you. Mahirap man tinahak natin nakatayo ka pa rin. ‘Di nga lang laging tama ang mga desisyon pero alam ko natututo tayo sa mga pagkakamali,” wika niya.

Hangad ng aktor na makamit ang mga pinapangarap nito at pangako niya sa sarili na hinding-hindi niya isusuko ang laban nito.

“Sana maabot natin lahat ng hangad natin. Hindi madali, alam ko. Ilang taon ka na-rehab. Ilang taon ka rin umangat. May mga nasaktan ka, at sana mapatawad ka nila dahil alam kong hindi mo intensyon. Hirap ka man lagi, ako nandito para sa’yo. Hindi kita susukuan,” aniya.

Samantala, hindi naman nito isinasantabi ang kanyang progress at ito ang inspirasyon niya ngayon para lalong magpatuloy, “Dati ang dilim ng tingin mo sa buhay. Nagmahal ka, sumugal, at nasaktan. Ginamot mo sarili mo sa paraan na akala mo tama sa sugat na hatid ng buhay. Pero lumalaban ka pa rin. Masaya.”

“Tuloy-tuloy lang, tol,” bilin niya sa sarili. “Mahal kita.”

Matatandaan na sa isang panayam ng beteranang reporter na si Korina Sanchez sa Rated K, ibinahagi ni JM ang tungkol sa pamamalagi niya sa rehabilitation center.

“Akala ko makakatulong siya sa akin as a person, as an actor, at first, but nong nag-rehab ako nahukay sa akin na I have issues since I was a kid na like I was bullied when I was really young. So wala na akong self-esteem or confidence at that time. Taking drugs gives me power,” aniya.

Sa ngayon ay pinagbubuti pa lalo ni JM ang sarili bilang isang aktor at indibidwal. Gumagawa na rin ito muli ng mga proyekto bilang artista.

jm de guzman

celebrities

Manny Pacquiao, proud Dad sa muling pagkapanalo ni Jimuel by UD sa amateur Vegas debut

Published

on

By

Higit kanino man, mayroon pa bang mas magiging proud sa muling pagkapanalo ni Jimuel Pacquiao bukod sa kanyang ama?

Siyempre, ang maalamat na ama nitong si Manny ‘Pacman’ Pacquiao sa larangan ng boksing ang pinakamasaya dahil sa pagsunod ng kanilang panganay na anak ni Jinkee sa kanyang yapak bilang Pambansang kamao.

Kasunod ng pagkapanalo ni Jimuel ay ang pag-flex ng ama nito sa social media. “Congrats to our eldest son @pacquiao.emmanuel for winning his 7th amateur fight! 🥊 We are so proud of you.”

Sa kanyang Las Vegas debut, si Emmanuel ‘Jimuel’ Pacquiao Jr,  ang 21-anyos na panganay nina Manny at Jinkee ay nagawang talunin ang mas malaki niyang nakalaban na si Marco Rosales sa tatlong two-minute amateur rounds.

Pagbabahagi ng junior ni Pacman, “It was good. It was fun. It was fun. A lot of historic fights happen here.”

Nagwagi si Jimuel sa pamamagitan ng unanimous decision (UD) sa kaniyang unang laban sa Westgate sa Las Vegas nitong Linggo (Manila time). Naiuwi niya ang commemorative belt mula sa “Fights of Fury 8” charity event.

Hindi pa rito nagtatapos ang pagnanais ni Jimuel na maging mahusay na boksingero gaya ng kanyang ama na may record bilang eight-division boxing world champion.

Aniya, “I’ve been consistent, so I’m happy but I know I could’ve done way better in this one so I gotta get back in the gym.”

Gaya ng kanyang ama, si Jimuel na may bigat na 136-and-a-half pounds, ay napasabak na rin sa mas malaking kalaban gaya ni Rosales na may timbang  na 148 pounds. Nahirapan ba siya dito?

“It wasn’t really that much of a difference maker because I spar also big guys in the gym all the time, so it wasn’t that much of a difference,” pagbabahagi niya sa isang ulat ng ABS CBN.

Gumamit umano si Jimuel ng straight right laban sa kanyang southpaw opponent sa pagsisimula ng laban.

Pahayag naman ng kanyang nakatunggali, “the fight was close”.

Dagdag pa nito, “They gave him an edge on the decision. I personally thought I won but I’ll go back and watch it–see how it was I’ll go get that rematch.” 

Panoorin ang video na ibinahagi ng FIGHTSandHIGHLIGHTS via YouTube:

Continue Reading

celebrities

Vice Ganda sa ‘isyu’ nila ni Karylle: ’Di daw siya naoffend… we are OK’

Published

on

By

May update si Vice Ganda sa ‘isyu’ nila ni Karylle matapos mag-trending sa social media ang diumano’y pambabastos niya sa kaniyang co-host sa ‘It’s Showtime’ noong isang araw.

Hindi nagustuhan ng mga netizens ang pambabara at pagtrato ni Vice kay Karylle dahil sa sarkastikong pagsagot niya sa tanong ng huli.

Nagsimula ito nang sabihin ni Karylle na ibinigay ni Vice sa iba ang kantang matagal nang pinagpraktisan ni Vhong Navarro.

“So, anong problema, Karylle?” pakli ni Vice. “Oh, eh sana kinanta mo.”

Sinundan pa niya ito ng “Ok na ‘yan, Karylle” na para bang wala siyang pakialam sa opinyon ng iba, na kaibigan pa niya naman.

Iba ang naging dating nito sa mga netizens kaya agad naging trending topic ito sa socmed.

Ayon sa ilang nagkomento, para namang ‘kinawawa’ ni Vice si Karylle at lumalabas na parang pinapaboran pa niya ang ibang baguhang cohost kesa sa anak ni Zsa Zsa Padilla na matagal na rin sa programa.

Dahil din dito, nag-tweet ang ‘Unkabogable Star’ at inaming sablay nga siya sa kaniyang nagawa.

Aniya, “Oh so I am being called out. Yes I acknowledge sablay ako dun. Potah sablay again. Bawi po ako. Bawi right away.”

Subalit, nababawan pa rin ang ibang netizens sa pag-amin ni Vice kaya hindi pa rin siya tinatantanan ng mga netizens. Mukha daw kasing hindi sincere ang ‘It’s Showtime’ host at hindi man lang ito humingi ng paumanhin.

Sa kaniyang pinakahuling update sa Twitter, ibinahagi ni Vice na nakausap niya si Karylle at hindi naman daw talaga ito na-offend.

“Story time! Magkakasama kami ni K at Tyang and Anne sa dressing room. Di daw sya naoffend when i asked her,” tweet ni Vice.

Sa kabila nito humingi pa rin daw siya ng paumanhin at okay na naman sila.

Aniya, “But i still apologized. So to simplify WE ARE OK.”

Para naman sa mga tagahanga ni Vice, masyado lang pinalaki ng ibang netizens ang isyu.

Matagal na umanong magkaibigan at magkasama sa ‘It’s Showtime’ sina Vice at Karylle at normal na sa kanila ang ganung biruan at barahan.

Gayunpaman, wika naman ng iba, sana raw ay maging maingat pa rin sila sa pagbibitaw ng salita sa TV lalo pa’t napapanood ito ng maraming tao na hindi naman lahat nakauunawa sa kanilang istilo ng pagbibiro.

Panoorin ang naging ugat ng ‘isyu’:

Continue Reading

celebrities

Nade-develop na ba? Francine nilinaw ang totoong ugnayan nila ng FranSeth other half na si Seth

Published

on

francine seth

Ngayong opisyal nang ni-launch sa pamamagitan ng series na Dirty Linen ang tambalan nina Francine Diaz at Seth Fedelin o FranSeth, marami ang kinikilig at marami rin ang nagtatanong kung nade-develop na ba sa isa’t isa ang dalawa.

francine seth

 

Sa ulat ng PEP, nilinaw ni Francine na kasalukuyan pa nilang kinikilala ni Seth ang isa’t isa at wala pang anumang ugnayan.

“Okay naman, parang we’re still at that stage na getting to know each other. I think yun yung special sa aming dalawa. We’re getting to know each other,” aniya.

“Manligaw? As of now talagang work and we’re professionals. Work is work and that’s it.” wika pa ng aktres.

Nauna nang sinabi ni Francine sa isang interview sa Magandang Buhay na hindi siya nagmamadaling magkaroon ng kasintahan, lalo na at prayoridad niya ang kanyang pamilya.

“Saka na po siguro [ang pag-ibig] kapag naibigay ko na po ang lahat kina mama,” aniya.

[RELATED – Francine: Saka na ang pag-ibig kapag naibigay ko na lahat kina Mama]

Nilinaw niya rin sa beteranang broadcast journalist na si Karen Davila na sa kabila ng pagkaka-link niya sa Kadenang Ginto love team na si Kyle Echarri at kay Seth, hindi pa siya nagkakaroon kailanman ng boyfriend.

“Wala, NBSB po. No boyfriend since birth,” saad niya.

francine seth

Hinahangaan din ang dedikasyon niya sa pagpapaunlad ng sarili at hindi pagsasantabi ng kanyang pag-aaral sa kabila ng pagiging abala bilang isang artista.

“Palagi rin sinasabi ni Mama na sa showbiz, ’yong fame mo, hindi siya pang-forever. Parang anytime, p’wede kang mawala,” aniya. “So, maganda ’yung may fall back ka. ’Yon din ang sabi sa akin ni Miss Charo [Santos-Concio], kasi, nag-one-on-one kami before. Parang, ‘Nag-aaral ka pa ba? Kasi, mahalaga ’yan. Ang pag-aartista, hindi ’yan tumatagal. Suwertehan lang. Kung magtatagal ka, e, ’di good. Kung hindi, dapat meron kang fall back.”

francine seth

Panoorin sina Francine at Seth bilang Chiara at Nico sa Dirty Linen video na ito:

Continue Reading

Trending