Nagpapahinga si Pia Wurtzbach para unahin ang kanyang pisikal at emosyonal na kalusugan.

Sa isang Instagram post kamakailan, ibinahagi ng dating Miss Universe na mananatili siya nang ilang linggo sa London para alagaan ang sarili at maglaan ng quality time kasama ang kanyang pamilya.

“I’m grateful to have this time OFF…alam ko mahirap cos lahat tayo we can’t get off work just like that. Madaming responsibilities and all. Work mode is real diba lalo na after the holidays. Kayo ba? But PAUSE lang muna tayo and say this with me: ‘Kamusta na ba ako? Okay pa ba ako?’” aniya.

Higit pa rito, inihayag niya na hindi siya makadadalo sa London Marathon ngayong taon dahil pinaplano niya ang kanyang nalalapit na kasal.

“Unfortunately, I’m not going to be able to join the London Marathon this year. I contemplated for a looong time and I really wanted to do it this year because I was doing it for such a good cause, @smiletrainph, and I didn’t want to let anyone down,” wika ni Pia.

“I have a tendency to be hard on myself especially when it comes to hitting goals and I know marathon training + wedding planning will be a stressful combo. Runners know this but just a little background, prepping for a marathon means 4 to 6 hours training a day and medyo malapit na yung marathon. So tough as it may be, I know that deferring my entry this year is the right decision,” dagdag pa ng beauty queen.

Ayon kay Pia, marami pang marathon sa hinaharap ang darating at ang pagpapakasal ay isang bagay na gusto niyang pagtuunan ng pansin at paghandaan.

Sa pagtatapos ng kanyang post, sinabi rin niya na inaasahan niyang makabalik sa Pilipinas nang “healthier, stronger, and ready to be back in action.”

Basahin: ‘Best run of my life’: Pia Wurtzbach natupad ang pangarap na maging NYC Marathon finisher

Noong nakaraang taon, napagtagumpayan ni Pia ang mahigit 42-km New York City marathon; ang kanyang kauna-unahang paglahok sa marathon na inilarawan niya bilang “best run of her life.”

“I did it! We did it!” aniya. “The NYC Marathon wasn’t a race, it was an experience. A life lesson. Probably the best run of my life.”

Basahin: Pia Wurtzbach, Jeremy Jauncey ‘found the perfect place to celebrate’ their engagement

Matatandaan na si Ogie Diaz ang dating manager ni Liza Soberano nang una nitong tahakin ang mundo ng showbiz. Kaya naman hindi maikakaila ni Ogie na laging naroon ang kanyang pag-aalala o concern sa kanyang dating alaga na ngayon ay si James reid na ang may hawak.

11 years na hinandle ni Ogie ang showbiz career ni Liza at iginalang naman niya ang naging desisyon ng 25-anyos na aktres na nagnais sumubok sa direksyon ng Hollywood. Hindi naman niya ito hinadlangan.

Aniya, “Ang sine-save ko kasi, ‘yung friendship kasi alam mo ‘yung ang haba ng panahon na pinagsamahan n’yo e. Hindi mo dapat sayangin ‘yun…”

Nag-usbungan ang mga usap-usapan matapos magulantang ng mga netizens sa ‘pagkawala’ ng kanyang mga posts at mga larawan sa kanyang social media accounts at muli niyang pagpo-post dito. No, hindi pala na-hack. Sabi naman ni host Boy Abunda, isa lamang itoing rebranding dahil nga sa tinatahak na bagong direksyon ni Liza.

Basahin: James Reid to manage Liza Soberano, Ogie Diaz confirms

Tinawag din itong new beginnings lalo pa’t ipinahiwatig ni Liza sa kanyang balik IG post na “Dare I dream a flower’s dream?”

Maraming naguguluhan sa career path na tinutungo umano ni Liza. Nagpunta na kasi ito sa Los Angeles, sa Estados Unidos at doon na muna mananatili nang walang linaw kung hanggang kailan.

Hindi  napigilan ni Ogie na maglabas ng kanyang saloobin para sa kanyang dating alaga matapos niyang mabasa ang mga sinasabi ng netizens kaugnay kay Liza.

Basahin: Boy Abunda sa ‘pagkawala’ at ‘pagbabalik’ ng socmed accounts ni Liza Soberano, ‘It is not hacking, it is rebranding

Sa kanyang vlog ay inilabas niya ang kanyang sariling paninimbang. “Nanghihinayang ako sa career ni Liza… Siyempre nahu-hurt ako bilang former manager na nakakabasa ako ng ‘Ano nang ginagawa ni Liza sa sarili niya? Bakit nag-iiba na siya ng direksyon? Bakit noong nandoon pa siya sa ABS-CBN o kay Ogie Diaz maganda naman o maayos naman ang palakad sa kanya? Bakit nagiging fan na lang ng Kpop si Liza?’ Yung mga ganoon,” ani Ogie.

Dagdag pa niya, “Siyempre hindi ko naman alam ang isasagot ko sa mga fans dahil unang-una, hindi na ako ang manager.  Nanghihinayang lang ako kasi pinaghirapan naming lahat ito. kung nasaan siya nandoon.”

Nag-aalala rin si Ogie kaugnay sa mga endorsement projects ni Liza na naka-base sa Pinas.

“Siyempre hindi natin alam kung yung mga suki ng endorsements ng mga brands ni Liza ay uulit pa lalo na’t hindi nila nakikita locally o sa mga palabas sa TV si Liza dahil pinili na nga niyang sa US sumubok at magbaka-sakaling makilala siya,” aniya.

Pagpapatuloy ng 53-anyos, “Siyempre alam ko naman ang kabuhayan nila Liza. Alam ko naman na lahat ng meron siya ngayon ay dahil rin sa kanya, sa pag-aartista niya. Hindi naman siya bago nag-artista ay mayaman na sila… Kaya ako nanghihinayang ako bilang former manager doon sa mga nakakawalang proyekto para kay Liza… kasi hindi rin naman nagkulang ang ABS-CBN ng pitching sa kanila ni Enrique Gil… pero wala silang inaaprubahan.”

Nagbigay din siya ng mensahe para kay Liza. “Anak, basta masaya ka dyan. Importante, masaya ka.”

On the bright side, nakakuha na ng acting project si Liza at kabilang na siya sa cast ng “Lisa Frankenstein” kasama nina Cole Sprouse at  Kathryn Newton.

Sa naging panayam ng CNN kay Liza noong Agosto 2022 ay nagbahagi ito ng kanyang mga karanasan sa filming ng nasabing pelikula. Blooming at mukha namang super happy ang aktres. Ibinahagi rin nito na nais kasi niyang makiklala bilang isang global actress at artist.

“Liza Soberano is living her Hollywood dream. The Filipina actress is currently filming in the United States for her first Hollywood movie ‘ Lisa Frankenstein’…” ayon sa caption ng CNN video.

Panoorin:

Nagulantang ang maraming followers at mga kaibigan ng 25-anyos na aktres na si Liza Soberano  nang ma-wipe out ang lahat ng kanyang posts sa photo-sharing app na Instagram kamakailan.

Hindi na mabibilang ang mga naibahagi niyang milestones doon kaya’t labis na nag-alala ang mga followers kung binura ba o nabiktima ito ng hacking incident. Gayunman, wala namang pahayag na inilalabas ang kampo ng aktres kung ano nga ba ang tunay na nangyari sa IG account nito.

Basahin: Liza Soberano, binura nga ba ang lahat ng larawang ibinahagi niya sa Instagram?

Nagbabalik

Gayunman, hindi naman naglaon at biglang may IG post na muli ang aktres. Na-recover na kasi? O sadyang ‘nilinis’ lang ng management team ni Liza ang account nito para sa pagsisimula ng bago niyang yugto sa tinatahak niyang direksyon?

Sa isang Instagram story ay ibinahagi niya ang kanyang IG post kalakip ang link sa kanyang official Youtube channel. “Life update soon,”  sabi nito sa kanyang text.

Mapapaisip ka sa bagong post ng aktres sa account niya na may 17.6M followers. Kalakip ng ilang larawan ay tila isang tula o kaya’y mga liriko ng isang awit. Clue kaya ito na may lalabas siyang music video? O sadyang may poetic feels ang aktres ngayon? Abangan!

Sa mga komento ay may nagbigay ng kanilang saloobin at mga sapantaha. “Inarchive lang siguro,” sabi ng ilan na ang tinutukoy ay ang mga larawang hindi na visible sa IG niya.

“Read between the lines, it’s a fresh start, an intro to her new endeavor…”

“The poem talks about her current feelings. What a coincidence that she posted after the alleged “hacking” situation? 🤔 na hacked nga ba talaga or it’s a move to start with a clean slate to show her new image?”

“May this chapter of your life story thrust you into an adventure that will reward you with unforgettable memories. Fly, Hopia. With wings made out of your courage and strength.”

Mas lalo siyang pinag-uusapan ngayon dahil sa nakapagtatakang pangyayari sa IG account niya. Ang aktres ay kasalukuyang nananatili muna sa America dahil sa bagong career path na tinatahak niya.

Nauna nang napaulat na sinabi ni Liza sa kanyang dating manager na si  Ogie Diaz na nais nitong sumubok magkaroon ng career sa Hollywood.

Basahin: James Reid to manage Liza Soberano, Ogie Diaz confirms

“Siyempre hindi naman ako ‘yung tipong alam ko rin ‘yung hanggang Hollywood. Kumbaga, hanggang dito lang ang kaalaman ko bilang manager,” pagbabahagi naman ni Ogie sa isang chika vlog.

“Ipinakilala na niya sa amin ang bagong team na hahawak ng kanyang career. May bago na siyang management. Pero ako naman, ‘yung transition ay unti-unti ipinapasa na namin si Liza sa kanya at ‘yun ay walang iba kung hindi ang team ni James Reid.”